जनबोली न्यूज नेटवर्क
मिठा मिठा बातहरु मसगँ बोलेर आयौ ।
मध्य रातमा दिलको ढोका खोलेर आयौ ।
अझैसम्म बुझ्न सकिन मैले ए प्रेयसी
मबाट मैरे दिल कसरी चोरेर आयौ ।
यार बदनामीको डर कहाँ हरायो फेरि
भन किन यसरी जोखिम मोलेर आयौ ।
समाजका नियम कानुन केही पनि नमानी
बदनाम हुँदै आखिर सिमाना तोडेर आयौ ।
प्रेमको रापमा आफै जल्यौ खरानी बन्यौ
दोषी मलाई बनाई एक्लै छोडेर आयौ ।
- प्रकाश पौडेल
गुलरिया ०४ बर्दिया