एमाले–माओवादी आज एक आपसमा विलय, निर्वाचन आयोगमा आजै नेपाल कम्युनिष्ट पार्टी दर्ता हुने

2018-05-17 09:07

काठमाडौँ । नेकपा एमाले र नेकपा माओवादी केन्द्रले अन्ततः एक आपसमा विलय हुने भएका छन् । आज पार्टी एकताको घोषणा सँगै पार्टी विलय भएर निर्वाचन आयोगमा आजै नेपाल कम्युनिष्ट पार्टी दर्ता हुने तयारी छ । एमालेका तत्कालीन महासचिव मदन भण्डारीको २५ औं स्मृति दिवसको अवसर पारेर एमाले र माओवादी पार्टी एकतको घोषणा गर्ने अन्तिम तयारी भएको छ । आज साँझ ५ बजे पत्रकार सम्मेलन मार्फत पार्टी एकताको घोषणा हुनेछ । आज विहान ७ बजे बल्खुमा रहेको मदन भण्डारीको शालिकमा दुवै पार्टीका नेताले माल्यापर्ण गर्ने, त्यसपछि पार्टी एकता संयोजन समितिको बैठक बस्ने र साँझ ५ बजे पत्रकारसम्मेलन गरेर पार्टी एकताको घोषणा हुनेछ ।

नेकपा एमाले र नेकपा माओवादी केन्द्रका बीचमा पार्टी एकीकरणमा सहमति जुटेसँगै पदीय भागवण्डा पनि मिलेको छ । नेताहरुले गरेको सहमति अनुसार भोलि नै एमाले–माओवादी विघटन गरी ४४१ सदस्यीय केन्द्रीय कमिटी रहेको नेपाल कम्युनिष्ट पार्टी निर्वाचन आयोगमा दर्ता गरिने छ । पार्टीको चुनाव चिन्ह रहने विषयमा यस अघि नै सहमति भैसकेको छ । नेताहरुको बीचमा भएको सहमति अनुसारको भागवण्डामा केन्द्रीय कमिटीमा एमालेका २४१ र माओवादीका २०० जना सदस्य रहनेछन । त्यस्तै ४३ सदस्यीय स्थायी कमिटीमा एमालेबाट २५ र माओवादीबाट १८ जना सदस्य रहनेछन ।

    Comment Here!


सम्बन्धित समाचार