काठमाडौं। नेपाल इन्स्याेरेन्स कम्पनीले आज साेमबारदेखि १९ लाख ४८ हजार ५३८ कित्ता संस्थापक सेयर लिलामीमार्फत बिक्री खुला गरेको छ । इच्छुक जो कोही व्यक्ति तथा संघ-संस्थाले बोलपत्र पेश गर्न सक्ने कम्पनीले जनाएको छ । संस्थापक सेयरको प्रतिकित्ता भाउ न्यूनतम ३०० रुपैयाँ तोकिएको छ ।
लगानीकर्ताले सोही मूल्यलाई आधार मानेर लिलाम बढाबढमा सहभागी बन्न सक्नेछन् भने आवेदकले न्यूनतम १ लाखदेखि अधिकतम सबै कित्ताका लागि आवेदन दिन सक्नेछन् । यसको बिक्री प्रबन्धक ग्लोबल आइएमई क्यापिटल रहेको छ। आवेदन साउन १५ गतेसम्म दिन सकिनेछ ।
प्रकाशित मिति : २०८० साउन ८ गते सोमवार
