२०८१ असार ३१ गते आइतवार | 2024 July 14th Sunday

Preeti To Unicode   www.en.janaboli.com      www.pressadda.com

कोसीका मुख्यमन्त्री केदार कार्कीले आज शपथ लिने, के एमालेलाई मन्त्री दिन्छन् ?

Chief Minister directly reached Shekhar Niwas from the airport

काठमाडौं । कोसी प्रदेशका नवनियुक्त मुख्यमन्त्री केदार कार्कीले आज पद तथा गोपनीयताको शपथ लिँदै छन्। उनलाई प्रदेश प्रमुख पर्शुराम खापुङले शपथ ग्रहण गराउनेछन्।

मुख्यमन्त्रीको सपथ ग्रहणका लागि आज दिउँसो २ बजेको प्रदेश प्रमुखको कार्यालयमा विशेष समारोह राखिएको कार्यालयका प्रवक्ता रामकुमार श्रेष्ठले जानकारी दिए। आजै सानो आकारको मन्त्रिमण्डल गठन गर्ने मुख्यमन्त्रीको तयारी छ।

कार्की एमाले र कांग्रेसको शेखर कोइराला पक्षका सांसदहरूको समर्थनमा शनिबार कोसीको मुख्यमन्त्री नियुक्त भएका थिए। उनी नेतृत्वको सरकार संविधानको धारा १६८ (५) अनुसारको हो। कार्कीले अबको १ महिनाभित्र प्रदेशसभाबाट विश्वासको मत लिनुपर्नेछ। उनले विश्वासको मत पाउन नसके कोसीमा मध्यावधि चुनाव हुनेछ।

सत्ता गठबन्धनको केन्द्रीय नेतृत्वले गरेको निर्णयको विरूद्धमा गइ कार्कीले मुख्यमन्त्रीमा दाबी गर्दा उनलाई एमालेले साथ दिएको थियो। यसबाट सत्ता गठबन्धनमा फुट निम्तने आँकलन गरिएपनि शनिबार नै कांग्रेस सभापति शेरबहादुर देउवा र नेता शशांक कोइरालाले प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’सँग भेट गरी गठबन्धन एक रहेको सन्देश दिएका थिए।

लगत्तै चितवन पुगेका प्रधानमन्त्री प्रचण्डले कार्की गठबन्धनको पनि मुख्यमन्त्री रहेको बताएका थिए। केन्द्रीय नेताहरुले सहमति गरेपनि प्रदेशमा कार्कीसँग माओवादी रुष्ट छ। माओवादी प्रदेश संसदीय दलका नेता इन्द्र आङ्बो मुख्यमन्त्री बन्नबाट बञ्चित भएका थिए। सत्ता गठबन्धनले मात्र विश्वासको मत दिने र एमाले फेरि बाहिरिने हो भने यहाँ फेरिपनि मुख्यमन्त्रीले विश्वासको मत पाउँदैनन् । यसो भएको खण्डमा कोसीमा मध्यावधि चुनाव हुनेछ। यसलाई बचाउनपनि एमालेले समेत विश्वासको मत दिनुपर्नेछ ।

 

प्रकाशित मिति : २०८० असोज २८ गते आइतवार
प्रतिक्रिया दिनुहोस