२०८१ साउन २ गते बुधवार | 2024 July 17th Wednesday

Preeti To Unicode   www.en.janaboli.com      www.pressadda.com

मेसीको २ गोलमा अर्जेन्टिनाको लगातार चौथो जित, ब्राजिल उरुग्वेसँग पराजित

Argentina's 4th win in a row with 2 goals from Messi Brazil lost to Uruguay

१ कात्तिक, काठमाडौं । लिओनल मेसीको दुई गोल मद्दतमा अर्जेन्टिनाले विश्वकप छनोटमा बुधबार बिहान पेरुलाई २-० ले पराजित गरेको छ । २०२६ को फिफा विश्वकप छनोटमा अर्जेन्टिनाको यो लगातार चौथो जित हो ।

पेरुको मैदान स्टाडियो नासिओनल डे लिमामा अर्जेन्टिनालाई सहज जित दिलाउन मेसीले खेलको ३२औं र ४२औं मिनेटमा गोल गरेका थिए । दक्षिण अमरिकी क्षेत्रमा शतप्रतिशत नतिजा निकालेको अर्जेन्टिना ४ खेलबाट १२ अँकसहित शीर्ष स्थानमा छ । पेरु ४ खेलबाट १ अंकसहित नवौं स्थानमा छ ।

बुधबार बिहान भएको अर्को खेलमा ब्राजिल उरुग्वेसँग स्तब्ध भयो । उरुग्वेले ब्राजिललाई २-० ले हरायो । उरुग्वेका लागि डार्विन नुनेजले ४२औं र निकोलस डे ला क्रुजले र ७७औं मिनेटमा गोल गरे । जितपछि ४ खेलबाट उरुग्वेले ब्राजिल समान ७ अंक जोडेको छ र ब्राजिललाई पछि पार्दै दोस्रो स्थानमा उक्लेको छ ।

उरुग्वे विरुद्धखेलमा पराजित ब्राजिलका लागि अर्को झड्का समेत लागेको छ । ब्राजिलका फरवार्ड नेमारले घुँडाको चोटका कारण पहिलो हाफमै मैदान छाडेका थिए । छनोटअन्तर्गत अन्य खेलम भेनेजुएलाले चिलीलाई ३-० र पाराग्वेले बोलिभियालाई १-० ले पराजित गर्दा इक्वडेर र कोलम्बियाले गोलरहित बराबरी खेलेका छन् । ४ खेलबाट ७ अंक नै जोडेको भेनेजुएला चौथो स्थानमा उक्लेको छ ।

 

प्रकाशित मिति : २०८० कार्तिक १ गते बुधवार
प्रतिक्रिया दिनुहोस