
काठमाडौं । आइतबार नेपाली बजारमा सुनको मूल्य ह्वात्तै बढेको छ । नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य १ लाख १९ हजार रुपैयाँ थियो । आज १ लाख २१ हजार रुपैयाँमा कारोबार भइरहेको छ । बिहीबारको तुलनामा शुक्रबार तोलामा ६ सय रुपैयाँले बढेको सुन आइतबार एकैदिन दुई हजारले बढेको छ ।
तेजाबी सुनको मूल्य तोलाको १ लाख २० हजार ४ सय रुपैयाँ कायम भएको छ । यसैगरी, आइतबार चाँदीको मूल्य प्रतितोला १ हजार ४ सय १० रुपैयाँमा कारोबार भइरहेको महासंघले जनाएको छ ।
प्रकाशित मिति : २०८० फाल्गुन २० गते आइतवार