काठमाडौं । पोखरा एभेन्जर्सका आन्द्रेस गौस नेपाल प्रिमियर लिग (एनपीएल) मा पहिलो शतक प्रहार गर्ने खेलाडी बनेका छन्।
टीयू मैदानमा शुक्रबार लुम्बिनी लायन्सविरुद्ध गौसले ५४ बलमा शतक प्रहार गरे। उनले ५५ बलमा १०४ रन बनाएका थिए।
लुम्बिनीले दिएको १७१ रनको लक्ष्य पोखराले विना विकेटको क्षतिमा १६.५ ओभरमै पूरा गर्यो। गौसले नटआउट १०४ रन जोडे। गौसले एनपीएलकै छिटो अर्धशतक पूरा गरे।
उनले २० बलमा अर्धशतक र ५४ बलमा शतक प्रहार गरे। गौसले ५५ बलमा १२ चौका र ५ छक्का प्रहार गरे।
प्रकाशित मिति : २०८१ मङ्सिर २१ गते शुक्रवार
