काठमाडौं । काठमाडौं उपमेयर सुनिता डंगोलले तीन वर्षपछि सार्वजनिक रूपमा काठमाडौं महानगर र मेयर बालेन शाहका कामबारे खुलेर टिप्पणी गरेकी छन्। उनले पत्रकारसँग ब्रिफिङ गर्दै पाँच मुख्य सवाल उठाइन्:
- अख्तियारको मौनता:
महानगरमा भ्रष्टाचार र अनियमितताको गुनासो भइरहँदा पनि अख्तियार निष्क्रिय रहेको भन्दै सुनिताले निष्पक्ष छानबिन माग गरिन्।
- भ्यू टावर अनावश्यक:
भ्यू टावर निर्माण जनताको उद्देश्य विपरीत भएको र महानगरले व्यापार गर्न नहुने बताइन्। ऐतिहासिक सम्पदा जोगाउन अध्ययन जरुरी रहेको उल्लेख गरिन्।
- कार्यपालिका बैठक तत्काल राख्न:
वडाध्यक्ष र कर्मचारीको दबाबबीच, महिनौं कार्यपालिका बैठक नबसेर काम ठप्प भएको भन्दै छिटो बैठक राख्न मेयर बालेनसँग समन्वय प्रयासरत रहेको बताइन्।
- १७ सेकेण्डको भिडिओ क्लिपमाथि प्रश्न:
सुनियोजितरूपमा भिडिओ क्लिप काटेर भ्रम फैलाइएको आरोप लगाउँदै उनले पूरै भिडिओ सार्वजनिक गर्न माग गरिन्।
- महानगरको हितमै अघि बढ्ने प्रतिबद्धता:
‘बहुजन हिताय’ सिद्धान्तमा टिकेर, आलोचनाबाट विचलित नभई महानगर र जनताको लागि काम गरिरहेकी बताइन्। संविधान र कानुनमा उपमेयरको अधिकार अझ स्पष्ट बनाउनुपर्ने धारणा राखिन्। डंगोलले आफू निर्वाचित भएर पनि “सेलेक्टेड” जस्तै व्यवहार भोग्नुपरेको गुनासो गर्दै, बालेन शाहसँगको सम्बन्ध यथावत रहेको उल्लेख गरिन्।
