काठमाडौँ। नेकपा (एमाले)को ११औँ महाधिवेशनबाट निर्वाचित हुने ३०१ सदस्यीय केन्द्रीय कमिटीको संरचना तय गरिएको छ। बन्दसत्रमा प्रस्तुत प्रस्तावअनुसार महिला, युवा, आदिवासी–जनजाति, मधेसी, दलित, थारु, मुस्लिम, श्रमिक, अपांगता भएका व्यक्ति र पिछडिएको क्षेत्रबाट समावेशी प्रतिनिधित्व सुनिश्चित गरिएको छ।
प्रस्तावित संरचनामा १९ पदाधिकारी रहनेछन् जसमा अध्यक्ष १, उपाध्यक्ष ५, महासचिव १, उपमहासचिव ३ र सचिव ९ रहने व्यवस्था छ। प्रदेशगत प्रतिनिधित्वमा उपत्यकासहित ८ प्रदेशबाट ७२ सदस्य चयन हुनेछ, प्रत्येक प्रदेशबाट ५ खुल्ला, ३ महिला र १ युवा प्रतिनिधि रहनेछन्।
खुल्ला कोटाबाट १२५ सदस्य (७१ खुल्ला, ५२ महिला, २ युवा) चयन हुनेछ। समावेशी कोटामा आदिवासी–जनजाति २५, मधेसी १९, दलित १२, थारु ८, मुस्लिम ५, प्रवास २, श्रमिक ३, अपांगता १ र पिछडिएको क्षेत्र २ जना समावेश छन्।
एमाले पोलिटब्युरो सदस्य महेश बस्नेतका अनुसार, यो संरचनाले पार्टीभित्र भौगोलिक, सामाजिक र पुस्तागत सन्तुलन कायम गर्दै समावेशी नेतृत्व निर्माणको आधार तयार गर्ने लक्ष्य राखेको छ।
प्रकाशित मिति : २०८२ मङ्सिर २९ गते आइतवार
