काठमाडौँ। नेकपा एमालेको एघारौं महाधिवेशनका लागि केन्द्रीय निर्वाचन आयोगले निर्वाचन कार्यतालिका सार्वजनिक गरेको छ। आयोगका अध्यक्ष डा. विजय सुब्बाले तालिका सार्वजनिक गरेका हुन्।
कार्यतालिका अनुसार भोलि (सोमबार) बिहान ७ बजेबाट निर्वाचन प्रक्रिया सुरु हुनेछ। पर्सि (मंगलबार) बिहान ७ बजे मतदाता नामावली प्रकाशित हुनेछ। सोही दिन ८–९ बजेसम्म दाबी विरोध गर्ने, साढे ९ बजे सूचना प्रकाशन, र १० बजे दाबी विरोधमाथि छानबिन हुने कार्यतालिका तय गरिएको छ। अन्तिम मतदाता नामावली सवा १० बजे प्रकाशित हुनेछ।
उम्मेदवारको नाम फिर्ता गर्ने समय मंगलबार दिउँसो ३–५ बजेसम्म रहेको छ र अन्तिम उम्मेदवार नामावली प्रकाशित गरिनेछ। मतदान पुस १ गते ११ बजे देखि ५ बजे सम्म हुनेछ।
प्रकाशित मिति : २०८२ मङ्सिर २९ गते आइतवार
