काठमाडौं। तलब भत्ता पुनरावलोकन समितिले सरकारी कर्मचारीको तलब वृद्धि गर्न गरेको सिफारिस बमोजिम नै बढाउन सरकार लगभग तयार रहेको छ। प्रस्तावअनुसार कार्यालय सहयोगीको मासिक तलब ३५ हजार र मुख्यसचिवको तलब १ लाख २१ हजार बनाउन सुझाव दिइएको छ।
हाल सहयोगीको तलब २७ हजार ६१२ र मुख्यसचिवको ७७ हजार २११ रहेको छ। सिफारिसअनुसार तल्लो तहमा करिब २७ प्रतिशत र उच्च तहमा ५६ प्रतिशतभन्दा बढी वृद्धि हुने देखिन्छ। कर्मचारी संगठनले आधारभूत तलबमान ३८ हजार ८६२ रुपैयाँ माग गर्दै सामाजिक सुरक्षा, स्वास्थ्य, आवास र शिक्षा सुविधा पनि सुनिश्चित गर्नुपर्ने माग राखेका छन्।
प्रकाशित मिति : २०८३ जेष्ठ १० गते आइतवार
