माधव नेपाललाई तत्काल कार्वाही गर्न एमाले भातृ संगठन युवा संघको माग

  • जनबोली न्यूज नेटवर्क
  • सोमबार ९ चैत, २०७१

Madhav_kumar_Nepal._janaboliजनबोली/ ९ फागुन, काठमाडौं । नेकपा एमाले भातृ संगठन युवा संघ नेपालले पार्टीका बरिष्ठ नेता माधवकुमार नेपाललाई कार्वाही गर्नुपर्ने माग अघि सारेको छ । युवा संघको हेटौंडामा सम्पन्न विस्तारित बैठकका सहभागीहरुले काठमाडौंमा युवा संघकै समानान्तर कार्यक्रममा नेपालले व्यक्त गरेका अभिव्यक्तिमाथि आपत्ति प्रकट गर्दै खेद प्रस्ताव पारित गर्दै गरेको हो । युवा संघ सचिव रमेश पौडेलले भने, पार्टीका बरिष्ठ नेताले आफ्नो भातृ संगठनलाई हुल्याहा, डन, गुण्डा, रकम संकलकहरुको संगठन भनेर सार्वजानीक रुपमा अभिव्क्ति दिईनु दुखद हो भन्ने बैठकको निश्कर्ष छ । उनले उक्त आरोप पुष्टि गर्न बैठकले चुनौती पेश गर्ने जानकारी दिए ।

‘पार्टीका नेता तथा पूर्व प्रधानमक्न्त्री जस्तो जिम्मेवारी पूरा गरिसक्नु भएका माधव नेपालले दिनुभएको अभिव्यक्ति प्रति यो विस्तारित बैठक खेद व्यक्त गर्दछ’ बैठकको निर्णयमा भनिएको छ ‘यस्तो आरोपहरुको पुष्टि गर्न कमरेड माधव नेपाललाई चुनौति दिन चाहान्छौं’ ।

नेपालले युवा संघलाई हुल्याहा, डन, गुण्डा, रकम संकलकहरुको संगठन भयो भन्ने आरोप लगाएको भन्दै त्यसलाई पुष्टि गर्न नसके पार्टीले उक्त अभिव्यक्तिको छानविन गरेर उचित कारवाही गर्नुपर्ने माग गरेको छ ।

‘अन्यथा वर्ग शत्रुहरुले समेत लाउन नसकेका आरोपहरु युवा संघ नेपाल गुण्डा, डन, रकम संकलक, रक्तचन्द्, हुुल्याहारहरुको संगठन भने आरोपले सिंगो युवा आन्दोलनमाथि गम्भीर प्रश्न उठेकाले कमरेड नेपालका उक्त अभिव्यक्तिको छानविन गरी उचित कारवाही गर्नका निमित्त नेकपा एमालेसँग जोडदार माग गर्दछ’ हेटौंडा बैठकको निर्णयमा भनिएको छ ।

युवा संघले नेपाल स्वयंलाई भेटेर यो आरोप पुष्टि गर्न ध्यानाकर्षण गराउने निर्णय गरेको युवा संघका प्रवक्ता प्रभातविक्रम कटुवालले बताए । ‘यो विषयमा हामी चुप लाग्दैनौं’ उनले भने ।

बैठकले समानान्तर गतिबिधि गर्ने दिलु पन्त लगायत केही पदाधिकारीमाथि कारवाही गर्न स्थायी समितिलाई अधिकार दिएको छ । त्यस्तै सचिव अशोक चन्दमाथि भएको भनिएको आक्रमणको घटना छानविन गर्न सचिव रमेश पौडेलको संयोजकत्वमा आयोग गठन गरेको छ ।

सम्बन्धित खबरहरु

दुई पुरुष मृत अवस्थामा फेला
  • शनिवार ३ असोज, २०७७
दुर्घटनामा ७ जनाको मृत्यु
  • शनिवार ३ असोज, २०७७