गौरमा लगाइएको अनिश्चितकालीन निषेधाज्ञा आज बिहान ४ बजेदेखि हटाइयो

  • जनबोली न्यूज नेटवर्क
  • आईतबार २२ चैत, २०७१

goli chalyoजनबोली २२ चैत, रौतहट । सदरमुकाम गौरमा लगाइएको अनिश्चितकालीन निषेधाज्ञा आज बिहान ४ बजेदेखि हटाइएको छ ।

गौरमा केही दिनदेखि उत्पन्न असहज परिस्थिति सामान्य बन्दै गएपछि निषेधाज्ञा हटाइएको जिल्ला प्रशासन कार्यालयले जनाएको छ ।

कार्यालयले शनिबार दिउँसो २ बजेदेखि निषेधाज्ञा जारी गरेको थियो । यसैबीच आन्दोलनरत पक्षको माग सम्बोधन गर्न नेपाल रेडक्रस सोसाइटीको मध्यस्थतामा शनिबार साँझ बसेको वार्तामा कुनै सहमति हुन नसकेपछि आज पुनः वार्ता सुरु गरिएको हो ।

नापी र मालपोत कार्यालयको सेवा केन्द्र चन्द्रपुर नगरपालिकामा विस्तार गर्ने सरकारी निर्णयविरुद्ध केही दिनदेखि प्रदर्शन हुँदै आइरहेको छ । परिस्थिति असामान्य बन्दै गएपछि सरकारले सेवा केन्द्र विस्तार गर्ने निर्णय फिर्ता लिएको थियो ।

सरकारले सेवा केन्द्र विस्तार गर्ने निर्णय फिर्ता लिए पनि आन्दोलन नरोकिएपछि प्रजिअ मदन भुजेलले आन्दोलरत पक्षलाई वार्तामा आउन लिखित आह्वान गरेका थिए ।

सरकारले जनताको सेवाकालागि सेवाकेन्द्र विस्तार गर्दा भैरहेको आन्दोलनका कारण अन्य क्षेत्रका सर्वसाधारण मारमा परेका छन् ।

सम्बन्धित खबरहरु