२०७२ बैशाख १७ गतेको राशिफल

  • जनबोली न्यूज नेटवर्क
  • बिहिबार १७ ब‌ैशाख, २०७२

Raasi

आजको पञ्चाङ्ग

वि.सं. २०७२ वैशाख १७ गते बिहीबार तदनुसार ई. सं. २०१५ अप्रिल ३० तारिख,

किलक नामक संवत्सर, शाके :— १९३७, सूर्य उत्तरायण, वसन्त ऋतु, ने.सं. :— ११३५,

इटहरी, सुनसरी, नेपालमा सूर्योदय : बिहान ०५:२१ बजे र सूर्यास्त : साँझ ०६:२७ बजे

काठमाण्डौं, नेपालमा सूर्योदय : बिहान ०५:२८ बजे र सूर्यास्त : साँझ ०६:३६ बजे

पोखरा, कास्की, नेपालमा सूर्योदय : बिहान ०५:३३ बजे र सूर्यास्त : साँझ ०६:४२ बजे

वैशाख शुक्लपक्षको द्वादशी तिथि, बिहानको राती ०३:५६ बजेसम्म, त्यसपछि त्रयोदशी तिथि,

उत्तराफाल्गुनी नक्षत्र, बिहानको राती ०३:४८ बजेसम्म, त्यसपछि हस्ता नक्षत्र, चन्द्रमा सिंह राशिमा, बिहान ०७:५० बजेसम्म, त्यसपछि कन्या राशिमा,

व्याघात योग, बेलुका १०:४६ बजेसम्म, त्यसपछि हर्षण योग,

बब करण, दिउँसो ०२:५४ बजेसम्म त्यसपछि बालब करण,

आनन्दादि योग : मात्तङ्ग, चन्द्रवर्ण : कालो, चन्द्रदिशा : दक्षिण, योगिनीदिशा : नैऋत्य, वारशूल : दक्षिण, नक्षत्रशूल : उत्तर,

आजको व्रत÷पर्व : सुनसरीको बाराहक्षेत्रमा कोका कौशिकी सङ्गममा मत्स्यदर्शन,

आजको मूहुर्त : शुभविवाह, ब्रतबन्ध (उपनयन), रुद्राभिषेक(रुद्रीपूजा), पसल थाप्ने, गृहारम्भ, शिलान्यास(जग राख्ने), गृहप्रवेश, वास्तुमुहूर्त,

आगामी ३ दिनभित्र पर्ने व्रत/पर्व तथा शुभ मूहुर्त :

१८ गते : प्रदोष व्रत, विश्व मजदूर दिवस, अन्नप्राशन(पास्नी), रुद्राभिषेक(रुद्रीपूजा), अग्निवास(होमादि), कर्णवेध(कान छेड्ने), पसल थाप्ने, गृहारम्भ, शिलान्यास(जग राख्ने), वास्तुमुहूर्त, वस्त्राभरण(गुन्युचोलो), घर छाउने÷ढलान गर्ने, पुराणश्रवण,

१९ गते : नृसिंह जयन्ती, रुद्राभिषेक(रुद्रीपूजा),

२० गते : पूर्णिमा व्रत, कूर्म जयन्ती, स्याङ्झामा आलमदेवी पूजा, अन्तर्राष्ट्रिय प्रेस स्वतन्त्रता दिवस, शुभविवाह, रुद्राभिषेक(रुद्रीपूजा), अग्निवास(होमादि), वास्तुमुहूर्त,

आजको राशिफल

meshमेष (चु, चे, चो, ला, लि, लु, ले, लो, अ) –

बिहान ज्ञानगुनका क्षेत्रमा मन आकर्षित भएपनि दिउँसोबाट प्रतिकूल समय सुरु हुनेछ । कसैसँग व्यर्थमा तर्क, बहस र वादविवाद गर्नु पर्ला । प्रेममा धोका हुने सम्भावना छ । आर्थिक तथा शारीरिक शक्तिमा ह्रास आउने छ । आजका लागि शुभअङ्क २ र शुभरङ्ग सेतो हो भने कुनै शुभकर्म गर्नु पूर्व वा यात्रामा जानु अघि आज ॐ सों सोमाय नमः यस मन्त्रको कम्तीमा ११ पटक जप गरी आरम्भ गर्दा लाभ प्राप्त हुनेछ ।

brish

बृष (इ, उ, ए, ओ, बा, बि, बु, बे, बो) –

पारिवारिक वातावरण अनुकूल नहुनाले दिक्क लाग्नेछ । भाइबहिनी वा सन्तति विरुद्धमा जानसक्छन् । आर्थिक मामिलामा उपलब्धी हुने छैन । उता घरायसी समस्यासमेत बढ्न थाल्नेछ । ज्ञानगुनका क्षेत्रमा निष्क्रियता बढ्ने छ । आजका लागि शुभअङ्क ५ र शुभरङ्ग पहेंलो हो भने कुनै शुभकर्म गर्नु पूर्व वा यात्रामा जानु अघि आज ॐ बृं बृहस्पतये नमः यस मन्त्रको कम्तीमा १९ पटक जप गरी आरम्भ गर्दा लाभ प्राप्त हुनेछ ।

mithun

मिथुन (का, कि, कु, घ, ङ, छ, के, को, ह) –

व्यापार व्यवसायबाट नाफाघाटा बराबर रहने योग छ । शरीरमा क्रमशः स्वस्थताको अनुभूति हुनेछ । स्वास्थ्योपचारमा धन खर्च भएपनि लाभ नै हुनेछ । सानातिना चोटपटकको भय छ र घरायसी विवादले मानसिक तनाव हुनेछ । आजका लागि शुभअङ्क ५ र शुभरङ्ग बैजनी वा पहेंलो हो भने कुनै शुभकर्म गर्नु पूर्व वा यात्रामा जानु अघि आज ॐ नमो भगवते वासुदेवाय यस मन्त्रको कम्तीमा ९ पटक जप गरी आरम्भ गर्दा लाभ प्राप्त हुनेछ ।

karkat

कर्कट (हि, हु, हे, हो, डा, डि, डु, डे, डो) –

आत्मीयजनहरूसँग मनमुटाव हुनेछ । चाहनाबमोजिम कार्य सम्पन्न हुन कठिन छ । मन अध्यात्म र दर्शनतर्फ आकर्षित बन्नेछ । यात्रा असफल हुने सम्भावना छ । अड्डाअदालत वा राज्यपक्षबाट हुने काममा निराशा हुनेछ । आजका लागि शुभअङ्क ४ र शुभरङ्ग पहेंलो वा गुलाबी हो भने कुनै शुभकर्म गर्नु पूर्व वा यात्रामा जानु अघि आज ॐ महालक्ष्म्यै नमः यस मन्त्रको कम्तीमा ९ पटक जप गरी आरम्भ गर्दा लाभ प्राप्त हुनेछ ।

singha

सिंह (मा, मि, मु, मे, मो, टा, टि, टु, टे) –

पारिवारिक उल्झनमा समय बिताउनु पर्नेछ । ठूलो लगानी गर्नु पर्ने समस्याहरू देखिन सक्छन् । सोचेको कामबाट उस्तो फाइदा  पुग्नसक्दैन । विभिन्न सामाग्री किनमेल गर्न बाँकी छ भने आजका लागि थाती राख्नु बेस हुनेछ । आजका लागि शुभअङ्क १ र शुभरङ्ग कलेजी हो भने कुनै शुभकर्म गर्नु पूर्व वा यात्रामा जानु अघि आज ॐ घृणि सूर्याय नमः यस मन्त्रको कम्तीमा ७ पटक जप गरी आरम्भ गर्दा लाभ प्राप्त हुनेछ ।

kanya

कन्या (टो, प, पि, पु, ष, ण, ठ, पे, पो) –

तपाईंको खराब र दिक्क लाग्दो समयको समाप्ति भइसकेको छैन । हाँसखेल र मनोरञ्जनका लागि मन आकर्षित हुनेछ । पारिवारिक वैमनस्य भए धैर्य धारण गर्नु राम्रो हुनेछ । आत्मनिर्णय र संयमताको खाँचो छ । आजका लागि शुभअङ्क ७ र शुभरङ्ग कालो हो भने कुनै शुभकर्म गर्नु पूर्व वा यात्रामा जानु अघि आज ॐ शं शनैश्चराय नमः यस मन्त्रको कम्तीमा २३ पटक जप गरी आरम्भ गर्दा लाभ प्राप्त हुनेछ ।

tula

तुला (र, रि, रु, रे, रो, ता, ति, तु, ते) –

दिन सकारात्मक छैन । दिउँसो शत्रुपक्षका अनिष्ट व्यवहारको सन्देश प्राप्त हुने देखिन्छ । कृषिजन्य व्यवसायमा गरिएको मिहिनेतबाट लाभ प्राप्त हुन नसक्दा दिक्क लाग्न सक्छ । सानातिना कामको झमेला आउनसक्छ । आजका लागि शुभअङ्क ९ र शुभरङ्ग छिर्केमिर्के बुट्टे हो भने कुनै शुभकर्म गर्नु पूर्व वा यात्रामा जानु अघि आज ॐ कें केतवे नमः यस मन्त्रको कम्तीमा ७ पटक जप गरी आरम्भ गर्दा लाभ प्राप्त हुनेछ ।

brichik

बृश्चिक (तो, ना, नि, नु, ने, नो, या, यि, यु) –

चिताउँदै नचिताएको कुनै एउटा महत्वपूर्ण कार्य सिद्धि हुने छ । आज विपरीतलिङ्गीसँग विनम्र भावले व्यवहार गर्दा धेरै फाइदा हुने योग छ । समाजसेवा गर्दा प्रशंसा प्राप्त हुनेछ । कुनै रोकिएको काम सफल हुनेछ । आजका लागि शुभअङ्क ९ र शुभरङ्ग हलुका रातो वा पहेंलो हो भने कुनै शुभकर्म गर्नु पूर्व वा यात्रामा जानु अघि आज ॐ कुलदेवताभ्यो नमः यस मन्त्रको कम्तीमा १९ पटक जप गरी आरम्भ गर्दा लाभ प्राप्त हुनेछ ।

dhanu

धनु (ये, यो, भ, भि, भु, ध, फा, ढ, भे) –

दाजुभाइ र दिदीबहिनीमा पनि खुसीको वातावरण बन्नेछ । मातापिता र अभिभावक वर्गसँगको सम्बन्ध अत्यन्त राम्रो हुनेछ । तपाईं यदि कुनै पेसामा आबद्ध हुनुहुन्छ भने बढुवा वा प्रशंसा समेत पाउने सम्भावना छ । आजका लागि शुभअङ्क ८ र शुभरङ्ग ध्वाँसे हो भने कुनै शुभकर्म गर्नु पूर्व वा यात्रामा जानु अघि आज ॐ रां राहवे नमः यस मन्त्रको कम्तीमा १८ पटक जप गरी आरम्भ गर्दा लाभ प्राप्त हुनेछ ।

makar

मकर (भो, ज, जि, खि, खु, खे, खो, गा, गि) –

पारिवारिक समस्याले मन खिन्न हुनेछ । नजिकैको मित्र वा नातेदारले अपमानित तुल्याउन सक्छ । धार्मिक र सामाजिक क्षेत्रमा ठूलै धनराशि खर्च हुनसक्छ र मानसम्मान र प्रतिष्ठामा समेत आँच आउने सम्भावना देखिन्छ । आजका लागि शुभअङ्क ३ र शुभरङ्ग सिन्दुरे रातो हो भने कुनै शुभकर्म गर्नु पूर्व वा यात्रामा जानु अघि आज ॐ हं हनुमते नमः यस मन्त्रको कम्तीमा २३ पटक जप गरी आरम्भ गर्दा लाभ प्राप्त हुनेछ ।

kumbha

कुम्भ (गु, गे, गो, सा, सि, सु, से, सो, द) –

सानातिना घरायसी समस्याहरू देखिए पनि तिनले दैनिकीमा खास फरक पार्ने स्थिति छैन । जीवनसाथीसित वैचारिक मतभेद भएपनि अन्त्यमा सहमति हुनेछ । मातापिताको स्वास्थ्यस्थितिमा सकारात्मकता देखिने छ । आजका लागि शुभअङ्क ३ र शुभरङ्ग रातो हो भने कुनै शुभकर्म गर्नु पूर्व वा यात्रामा जानु अघि आज ॐ गं गणपतये नमः यस मन्त्रको कम्तीमा २१ पटक जप गरी आरम्भ गर्दा लाभ प्राप्त हुनेछ ।

mein

मीन (दि, दु, थ, झ, ञ, दे, दो, च, चि) –

लामोसमयदेखि देखिएका उल्झन सुल्झाउने महत्वपूर्र्ण दिन हो । पेसा वा व्यवसायका असजिला पक्षको निराकरणका लागि गरिएको प्रयास सफल हुन सक्छ । तर्कवितर्क, वादविवाद, छलफल र पढाइलेखाइका क्षेत्रमा सक्रिय भइने छ । आजका लागि शुभअङ्क ६ र शुभरङ्ग सेतो हो भने कुनै शुभकर्म गर्नु पूर्व वा यात्रामा जानु अघि आज ॐ गुरवे नमः यस मन्त्रको कम्तीमा २४ पटक जप गरी आरम्भ गर्दा लाभ प्राप्त हुनेछ ।

सम्बन्धित खबरहरु