भुकम्पबाट अधिकांश सम्पदा नष्ट भक्तपुरमा मात्रै : एक सय १६

  • जनबोली न्यूज नेटवर्क
  • शुक्रबार २५ ब‌ैशाख, २०७२

IMG_1324 IMG_1325 IMG_1326IMG_1329

जनबोली/ २५ वैशाख, काठमाडौ । बिनाशकारी भूकम्पका कारण ऐतिहासिक शहरको रुपमा रहेको भक्तपुर नगरभित्र १ सय १६ वटा सम्पदामा क्षति पुगेको छ । यस नगरभित्र रहेका सम्पदा मध्ये ६७ वटा सम्पदामा पूर्ण रुपमा क्षति भएको र ४९ वटा सम्पदामा आंशिक क्षति पुगेको भक्तपुर नगरपालिकाका कार्यकारी अधिकृत उद्धव रिजालले जानकारी दिए।

पूर्ण रुपमा क्षति भएका भक्तपुर नगरपालिका भवन, फसि देग, रामेश्वर मन्दिर, वतसला मन्दिर, नारायण मन्दिर, सिद्धिलक्ष्मी मन्दिर, विश्वरुपा मन्दिर, सिद्धिगणेश मन्दिर, श्वेतभैरब मन्दिर, सिजमहादेव, देगइना मन्दिर, ब्रम्हायणी मन्दिर रहेका छन् ।

त्यस्तै हनुमानघाट स्थित १२ वटा मन्दिर तथा शिवालय, भक्तपुरका विभिन्न देवताको घर अर्थात द्यो स् छे, सत्तल, पाटी, पुजारी मठमा पूर्ण रुपमा क्षति पुगेको छ । पूर्ण रुपमा क्षति पुगेको सम्पदाको पुननिर्माण नै गर्नुपर्ने र आंशिक क्षति भएका सम्पदाको मर्मत गर्नु पर्ने बताउँदै उनले नगरपालिकाले निकालेको प्रारम्भिवक लगत अनुमान अनुसार भक्तपुरका सम्पदाको पुननिर्माण एवं मर्मत गर्नका लागि २९ करोड ३२ लाख रुपैयाँ लाग्ने कार्यकारी अधिकृत रिजालले बताए ।

धेरैजस्तो विश्वसम्पदा सूचीमा रहेको दरबारस्क्वायर क्षेत्रमा महत्वपूर्ण सम्पदामा नराम्रोसँग क्षति पुगेको जानकारी दिँदै तलेजुका नाइके नरेन्द्रप्रसाद जोशीले भत्किएका सम्पदाका पुरातात्विक सामाग्रीको संरक्षण अति आवश्यक रहेको बताए ।

भूकम्पले तलेजु मन्दिरको मुलचोक परिसरमा पनि क्षति पुर्‍याएको जानकारी दिँदै उनले सम्पदा संरक्षणमा सबै निकाय छिटो लाग्नु पर्ने जोशीले बताए । राष्ट्रिय कला संग्रहालयकी प्रमुख अरुणा नकर्मीले भत्किएका सम्पदाका महत्वपूर्ण सामाग्री, मन्दिर तथा बहुमूल्य सामानहरुको सुरक्षा गरिसकेको जानकारी दिए ।

सम्बन्धित खबरहरु