बेलायतको आम चुनावमा क्यामरुनको पार्टीलाई बहुमत

  • जनबोली न्यूज नेटवर्क
  • शुक्रबार २५ ब‌ैशाख, २०७२

वैशाख २५ – बेलयतमा भएको आम चुनावमा कन्जर्भेटिभ पार्टीले बहुमत हासिल गरेको छ । कुल ६ सय ५० सिट मध्ये ६ सय ४० सिटको नतिजा घोषणा हुँदासम्ममा कन्जर्भेटिभले ३ सय २६ सिटमा जित हासिल गरेको छ । लेबर पार्टीले २ सय २८ सिटमा जित हासिल गरेको छ ।

सरकार बनाउनका लागि संसदको तल्लो सदन हाउस अफ कमन्समा ३ सय २६ संसदको समर्थन चाहिन्छ । जुन कन्जर्भेटिभले जिति सकेको छ । कन्जर्भेटिभ पार्टीका नेता डेभिड क्याम्रुनले पार्टी कार्यकर्तालाई अहिलेको जित पछिल्लो एक पिँढीकै सबै भन्दा उत्कृष्ट रहेको बताउनुभएको छ ।

उहाँले बेलायलाई एकताबद्ध बनाएर लैजाने प्रतिबद्धता जनाउनुभयो । यसैबीच लिबरल डेमोक्रेटिक पार्टीले चुनावमा नराम्रो हार व्यहोरेको छ । पार्टीले अहिलेसम्म जम्मा ८ सिटमा जित हासिल गरेको छ । चुनावी हारपछि लिबरल डेमोक्रेटिक पार्टीका नेता निक क्लेगले पार्टी नेताको पदबाट राजिनामा दिनुभएको छ ।

सम्बन्धित खबरहरु