जनबोली न्यूज नेटवर्क
काठमाडौं । विश्वका चर्चित फुटबलर क्रिस्टियानो रोनाल्डो कर छली मुद्दामा दोषी ठहर भएका छन् । स्पेनिस कर कार्यालयले रियल म्याड्रिडका पूर्व स्ट्राईकर रोनाल्डोलाई कर छलीको आरोपमा यसअघि अदालतमा मुद्दा दायर गरेको थियो ।
अदालतले रोनाल्डोमाथि कर छली मुद्दामा दोषी ठहर गर्दै १८।८ मिलियन युरो जरिवाना तिराउने र २३ महिनाको जेल सजायको फैसलासमेत गरेको अन्तराष्ट्रिय सञ्चारमाध्यमले जनाएका छन ।
६ महिला अघि स्पेन छाडेर इटालियन क्लब युभेन्टसका पुगेका ३३ बर्षीय रोनाल्डो कर छली मुद्दाको फैसलाका क्रममा मंगलबार म्याड्रिड पुगेका थिए । रोनाल्डोले अदालतको फैसला स्वीकार गरेका छन् ।
अदालतले जेल सजायको फैसला गरे पनि रोनाल्डोले जेल नै जानुपर्ने चाहिँ छैन । स्पेनको कानुनअनुसार दुई वर्षसम्मको जेल सजायका लागि जेल जानु पर्दैन । त्यसबापत थप जरिवाना तिरे पुग्छ ।
रोनाल्डो सन् २००९ मा इङ्लिस क्लब म्यानचेस्टर युनाइटेडबाट रियल म्याड्रिड गएका थिए । उनलाई २०११ देखि २०१४ को बीचमा विभिन्न चार शीर्षकका कर छलेको आरोप लागेको थियो ।
उनले १४ करोड ७६ लाख ६८ हजार आठ सय ९७ युरो बराबर आम्दानीको कर नतिरेको भन्दै कर कार्यालयले छानबिन गरिरहेको थियो । रोनाल्डोसँगै स्पेनका अन्य स्टार फुटबल खेलाडीहरु कर छलीको मुद्दामा पटक पटक दोषी ठहरिएका छन् ।
यसअघि बार्सिलोनाका लियोनल मेस्सी पनि कर छलीमा दोषी ठहर भएका थिए । रोनाल्डोमाथि यस भन्दा पहिले पनि एक अमेरिकी मोडलले आफुलाई बलात्कार गरेको भन्दैं आरोप लगाएकी थिइन । बलात्कारको मुद्धामा उनी निर्दोष ठहर भएका हुन । एजेन्सी