कुलमान घिसिङको अर्को जादु : अब सडकका बिजुलीका तार सबै जमिन मुनी

  • जनबोली न्यूज नेटवर्क
  • सोमबार १३ फाल्गुण, २०७५

काठमाडौ । काडमाडौ उपत्यकाको सौन्दर्यतामा विद्युतको जथाभावी रहेका तारका लट्ठा र गुजुल्टोले निकै असर पारेको छ । काठमाडौँका मुख्य सडक र गल्लीहरु हेर्दा अस्तव्यस्त र कुरुप देखिन्छन् । साथै बेलाबेला तार चुँडिएर वा खिइएर हुने आगलागी र करेन्टका दुर्घटना पनि भइरहेको हुन्छ ।

सडक र फुटपाथमै तुर्लुंग तार झुण्डिएका हुन्छन् । अब भने काठमाडौँका सडक र गल्लीमाथि देखिने तारका गुजुल्टाहरु व्यवस्थित गरिने भएको छ । नेपाल विद्युत् प्राधिकरणले काठमाडौँ उपत्यकालाई पोलमा झुन्डिएका विद्युत्का तारबाट मुक्त बनाउने भएको छ ।

प्राधिकरणले यसका लागि विद्युत् वितरण लाइनलाई भूमिगत गर्ने आयोजना अघि बढाएको हो । प्राधिकरणको आयोजना व्यवस्थापन निर्देशनालयका अनुसार रत्नपार्क वितरण केन्द्र र महाराजगन्ज वितरण केन्द्रको क्षेत्रमा पर्ने झन्डै ६ सय किलोमिटर ११ केभी र ४ सय भोल्टेज वितरण लाइनलाई भूमिगत गरिनेछ ।

यो काम गर्न प्राधिकरणले अन्तर्राष्ट्रिय बोलपत्रमार्फत कम्पनी छनोटसमेत गरिसकेको छ । तर, सम्झौता भने हुन बाँकी छ । छनोटमा परेको भारतीय कम्पनी केइआई इन्डिस्ट्रिज इन्डियालाई २८ दिने सूचना दिएर सम्झौता गर्न आउन पत्राचार गरिएको छ ।

सम्बन्धित खबरहरु