संविधानले दिएको सबै अधिकार दिए विश्व चकित हुने विकास गरेर देखाउँछौ : मेयर


जनबोली जनताको बोली प्रवाह गर्ने माध्यम बन्न चाहान्छ । यसैले हामीले आजदेखि जनताको सरकार खोज्ने अभियान शुरु गरेका छौ । गाँउ–गाँउको सिंहदरबार के गर्दैछ । खोजी गर्ने र जनताको बोली गाउँदेखि संघसम्मको सिंहदरबारमा पुर्याउने बोलीको सम्वाहक बन्ने लक्ष्यका साथ आजबाट जनबोली डटकम डिजिटल पत्रिकामा हाम्रो सरकार कोलम शुरु भएको छ । हामीले यो कोलममा हरेक दिन यही समय हाम्रो सरकारका विशेष सामाग्री प्रस्तुत गर्नेछौ । हाम्रो सरकारको पहिलो सामाग्रीमा हामीले पूर्वी जिल्ला खोटाङ्गको पहिलेको सदरमुकाम रहेको दिक्तेल सहित बनेको दिक्तेल रुपाकोट मझुवागढी नगरपालिका खोटाङ्गका, नगर प्रमुख (मेयर) दिपनारायण रिजालसँग विशेष कुराकानी गरेका छौ । मेयर रिजालसँग बीर बहादुर वलीले गरेको कुराकानी यहाँ प्रस्तुत गरिन्छ ।

 

गाउँ–गाउँमा सिहंदरबारको सेवा प्रवाह कस्तो हुँदैछ ?
खासगरी जब–जब स्थानीय तहको निर्वाचन भयो, गाउँ–गाउँमा सिंहदरबार आयो । ऐन कानून निर्माणमा विषेश ध्यान दिइएको छ । पहिले केन्द्र वा प्रदेशमा गएर गर्नुपर्ने कामलाई अहिले वडाबाट नै गरिने वातारण निर्माण भएको छ । गाउँ–गाउँमा सिंहदरबारको अर्थ जनतालाई सास्ती नहुनु हो । हामीले पनि त्यसरी नै काम गरिरहेका छौं । नेपालको भौतिक संरचनाको हिसाबले पनि सानो–सानो कामको लागि सिंहदरबार अर्थात मुख्य प्रशासनीक केन्द्र धाउँनुपर्ने अवस्थाको अन्त्य भएको छ । स्थानीय सरकारले ऐन निर्माणका कामहरु सम्पन्न गरेको छ । अब यसको कार्यान्वयमा रहेको छ । मलाई लाग्छ हामी यस कुरामा स्पष्ट रुपमा लागेका छौ ।

जनतामा कत्तिको सन्तुष्टि देख्नु भएको छ ?

पक्कै पनि नेपालको इतिहासमा पहिलो पटक २० वर्ष पछि नेपालमा यसरी पहिलो निर्वाचन भयो । स्थानीय निर्वाचनपछि जनतामा अहिले मैले ठुलो आशा देखेको छु । मैले यहाँ धेरै विकास निर्माणका कामहरु सम्पन्न गरेको छु । जनताको अपेक्षा अनुसार काम गर्ने प्रयत्न भइरहेको छ । तर, अर्को सत्य के हो भने कुनै पनि समाज पूर्ण रुपमा सन्तुष्ट हुन सक्दैन । मैले मेरो तर्फबाट हुनसक्ने सम्पुर्ण प्रयासहरु गरेको छु । हाम्रो नगरपालिकालाई देशकै नमुना बनाउँनको लागि म लागि परेको हुँदा यहाँ जनतामा पनि त्यति धेरै निराशा देखिएको छैन । समग्रमा भन्नुपर्दा यहाँ जनतामा मैले सन्तुष्टि नैं देखेको छु । यसैले म पनि खुशी छु ।

तपाई आफुले गरेको कामलाई १०० नम्बरमा आफै कति अंक दिन सक्नुहुन्छ ?
यो अलिक गाह्रो प्रश्न हो । आफैले आफैंलाई एक समय नम्बर दिन त नमिल्ला । तर मैले यस क्षेत्रको विकासका लागि आफ्नो तर्फबाट सय प्रतिशत नै लागेर काम गरेको छु । हामी देशको पहिलो विकास निर्माणका कामहरु तय गर्ने नगरपालिकाको रुपमा रहेका छौ । म पाँच वर्षका लागि निर्वाचित भएको हुँ, यसकारण मैले पाँच वर्षसम्म गर्ने योजना तयार पारेको छु । म तपाईलाई के भन्छु भने मैले मेरो कार्यकालमा आफुले भनेका सबै कामहरु पुरा गर्न सक्छु । अहिलेलाई म मेरो कामलाई एक सय प्रतिशतमा तीस देखि चालीस प्रतिशत दिन चाहान्छु । मैले अहिले धेरै काम गरेको छु र बाँकि कामहरुको खाका तयार गर्दैछु । मेरो बाँकी कार्यकालमा एक सय प्रतिशत काम गरेर मतदाताको मन जित्ने गरी नै काम गर्ने मेरो प्रतिज्ञा छ ।

स्थानीय तहमा सोचेजस्तो काम गर्न कस्ता अप्ठ्याराहरु छन् ?
देश संघीयतामा गए पछि यहाँ मात्रै होईन देश भरि नै कर्मचारी व्यवस्थापनको समस्या रहेको छ । हाम्रो नगरपालिकाले पनि कर्मचारी सम्बन्धिको समस्या भोग्नु परेको छ । हाम्रोमा विशेष गरेर प्राविधिक कर्मचारीहरुको अभाव रहेको मैले पाएको छु । अर्को कुरा नेपालमा अहिले अपनाइएको संघीयता विश्वमा नयाँ मोडलको संघीयता हो । विश्वका २९ देशहरुमा भएको संघीयताको बारेमा अध्ययन गर्न चाहानेहरुले नेपालबाट धेरै कुराहरु सिक्न सक्नुहुन्छ ।

नेपालमा केन्द्र, प्रदेश र स्थानीय तहमा नै कार्यपालिका, न्यायपालिका हरेक तह र तप्काको निर्माण गरिएको छ । संविधानमा यसरी लेखिएको भए पनि संघीयता कार्यान्वय गर्ने सन्दर्भमा स्थानीय तहलाई अधिकार सम्पन्न गर्न नसकेको अवस्था रहेको छ । माथिल्लो स्थानीय निकायहरुमा दबाब सिर्जना हुने खालका समस्याहरु रहेको मैले पाएको छु । तपाईलाई उदाहरणका लागि कुनै वडामा गर्न सकिने कामको सम्झौता गर्नका लागि केन्द्र वा प्रदेशमा जानुपर्ने बाध्यता रहेको छ । मैले यति भन्न चाहेको हुँ संविधाअनुसार कतिपय अवस्थामा स्थानीय निकायलाई चल्न दिइएको छैन ।

स्थानीय तह कतिसम्म अधिकार सम्पन्न भएको महसुस गर्नु भएको छ ?
संविधान अनुसार स्थानीय निकायलाई दिइएको अधिकार प्रयोग गर्न दिइएको छैन । सानो–सानो कुराहरुमा पनि केन्द्र सरकार वा प्रदेश सरकारबाट हस्तक्षत हुने गरेको छ । नगरपालिका आफैंले सम्पन्न गर्न सक्ने कामका लागि कहिले संघको सिंहदरबार त कहिले प्रदेशको मुख्य प्रशासनीक केन्द्र नै जानुपर्ने बाध्यता अझै छ । यो वास्तवमा एक दुःखद कुरा हो । स्थानीय तहलाई स्वतन्त्र रुपमा काम गर्न दिनुपर्छ, तर अहिले हाम्रोमा कतिपय अवस्थामा हस्तक्षप भएको महसुस हुन्छ । मैले यसमा भन्न खाजेको कुरा के हो भने संविधानमा अधिकार दिइएको छ तर कार्यान्वयन गर्ने सन्दर्भमा कहिलेकाही बल प्रयोग गरिएको छ । मुठ्ठी फुकाएर संविधानमा भएजति अधिकार स्थानीयलाई दिन कन्जुस्याई गरिएको छ ।

अहिलेसम्मको कार्यकालमा आफुले महत्वपूर्ण मान्नु भएका प्रमुख ५ कामहरु उल्लेख गर्नुपर्दा ?
मैले पहिले पनि भने हाम्रो दिक्तेल रुपाकोट मझुवागडी नगरपालिका नेपालमा पहिलो आवाधिक योजना निर्माण गर्ने नगरपालिका हो । अनि अर्को मैले पर्यटन विकासका लागि हामीसँग भएको प्राकृतिक स्रोतहरुको प्रवृद्धनसँगैं पुनःनिर्माण गरिएको छु । जस्तै जतिपनि भक्तजनहरु हलेसी दर्शन गर्न आउँनुहुन्छ, उहाँहरु एक पटक कालिका भगवतीमा आएर दर्शन गर्ने वातावरण निर्माण गरिएको छ ।

विभिन्न धार्मिक विश्वासका आधारमा हेर्ने हो भने जो व्यक्ति हलेसी दर्शन गर्छ उसले कालिका भगवतीको पनि दर्शन गर्नुपर्छ । हामीले यसका लागि त्यहाँसम्म पुग्नको लागि सडक सञ्जाल लगायतका अन्य कुराहरुको विकास गरिरहेका छौं । मौरे मा आँखा पोखरी, रुपाकोटमा भ्यू टावर, भुलभुले पोखरी, विश्वको सबैभन्दा अग्लो एलम्बर पार्क निर्माण गर्ने तयारी थालिएको छ । तेस्रो सबै वडाहरुमा लगातार सडक संचालनका लागि कामहरु भइरहेको छ ।

अहिले सडक सञ्जाल पुगेका वडाहरुका वर्षायाममा समस्या हुने गर्दछ, त्यसको न्युनिकरण गर्नको लागि काम थालिएको छ । चौथो, दिक्तेल बजारको फोहोर व्यवस्थापन गरेका छौ । फोहोर व्यवस्थान सभ्य समाजमा चुनौतीका रुपमा रहेको छ । हामीले यो चुनौतिलाई पार गर्न सफल भएका छौं । र अन्त्यमा मैले कृषि क्षेत्रको लागि विशेष पहल गरेको छु । हरेक वडामा कृषि केन्द्र निर्माण गरेर यहाँको उत्पादनलाई निर्यातको अवस्थासम्म पुर्याउनको लागि काम थालेको छु ।

नगरवासीलाई तपाईको सन्देश केही छ ?
म मेरा नगरवासी दाजुभाई दिदीबहिनीलाई सम्मान गर्न चाहान्छु । समग्र नगरको विकासका लागि सबैलाई सहयोग गर्नको लागि अपिल गर्न चाहान्छु । अर्को महत्वपूर्ण कुरा के हो भने आफ्नो वडाहरुमा आएको कामको बारेमा चासो राख्नु पर्छ । कति बजेट आएको हो कसरी काम भइरहेको छ जस्ता सार्वजनिक चासोको विषयहरुमा निर्णायकको भूमिकामा रहन अनुरोध गर्दछु । म सबैलाई अपिल गर्न चाहान्छु, आउँनुहोस सबै मिलेर हाम्रो नगरपालिकालाई नेपालको नमुना नगरपालिकाको रुपमा स्थापित गरौ । अन्त्यमा म भन्न चाहान्छु संविधानले दिएको सबै अधिकार दिए चमत्कारीक विकास गरेर स्थानीय तहले विश्वलाई देखाउने छौ । यतातर्फ सबैको ध्यान जाओस् । धन्यवाद,

प्रतिक्रिया दिनुहोस्
शिक्षा
परीक्षा फारम भर्नेबारे त्रिविको अत्यन्तै जरुरी जानकारी (सुचनासहित हेर्नुहोस्)
त्रिविले गर्यो नतिजा प्रकाशित [अनलाइन यसरी हेर्नुहोस्]
पाकिस्तानले दियो नेपालका ५०० विद्यार्थीलाई छात्रवृत्ति
यसकारण पाल्पाका बालबालिका गणितमा कमजोर
त्रिविले गर्यो परीक्षा तालिका सार्वजनिक (तालिकासहित हेर्नुहोस्)
हाम्रो सरकार

नेपाल जर्निलाई मन्त्रीको साथ, श्रेष्ठको पहलमा चितवनमा बन्नेभयो आधुनिक पुस्तकालय


एम्बुलेन्स खरिद गर्ने अभियानका लागि आउँन थाल्यो सहयोगको ओइरो

गाउँमा एम्बुलेन्स पुग्ने भएपछि खुःशी हुँदै धमाधम गर्न थाले सहयोग

एम्बुलेन्स खरिदका लागि उत्साहित हुँदै सबैतिरबाट दिल खोलेर सहयोग

एम्बुलेन्स खरिदका लागि अमेरिकाबाट आयो यति ठुलो सहयोग, थप गर्ने प्रतिवद्धता