कार्तिक २० । पूर्वपश्चिम राजमार्गअन्तर्गत झापाको तोपगाछीमा गएराति मोटरसाइकलको ठक्करबाट एक महिलाको मृत्यु भएको छ । मृत्यु हुनेमा तोपगाछी– ३ निवासी ६० वर्षीया डम्बरकुमारी कार्की रहेको जिल्ला ट्राफिक प्रहरी कार्यालय झापाले जनाएको छ ।

उनलाई पूर्वबाट पश्चिमतर्फ गइरहेको मे७प २१०० नंको मोटरसाइकलले ठक्कर दिएको जिल्ला ट्राफिक प्रहरी कार्यालय झापाका प्रहरी प्रमुख रोशन आचार्यले बताए ।

मोटरसाइकलको ठक्करबाट गम्भीर घाइते भएकी उनको उपचारका क्रममा विराटनगरस्थित न्युरो अस्पतालमा गएराति मृत्यु भएको हो । तीव्र गतिमा रहेको मोटरसाइकलले कार्कीलाई गएराति १० बजे बाटो काट्ने क्रममा ठक्कर दिएको बताइएको छ । रासस

सम्बन्धित खबरहरु