जनबोली न्यूज नेटवर्क
काठमाडौ । साइप्रसको निकोसिया अदालतले एक नेपाली महिलासहित ७ जनाको श्रृंखलाबद्ध रुपमा ज्यान लिएका सेनाका क्याप्टेन निकोस मेटाक्सासलाई आजीवन कारावासको सजाय सुनाएको छ । मेटाक्सासले अदालतमा ५ महिला र दुई बालिकाको जीवन लिएको स्वीकार गरेका छन् । अदालतले ७ जनाको जीवन लिएकोमा कुल १५० वर्षको जेल सजाय हुने फैसला गरेको छ ।
मेटाक्सासले एक नेपाली, एक रोमानिया, तीन फिलिपिनो गरी ५ जना विदेशी महिला र दुई बालिकाको जीवन लिएका थिए । प्रहरीले ६८ दिन लामो अनुसन्धानपछि उनलाई अदालतमा पेस गरेको थियो । उनले महिलालाई परिबन्धमा पारी यौन सम्बन्ध राखेर जीवन नै लिने गरेको बयान दिएका छन् । यो समाचार आजको कान्तिपुर दैनिकमा छ । यो पनि हेर्नुहोस्, माइक्रो फाइनान्सको किस्ता तिर्ने मिति नजिकिदै थियो । तर, पाँचथरको हिलिहाङ ६ का १९ वर्षीय घनेन्द्र लावती र उनको परिवारसँग किस्ता तिर्ने पैसा जुटेन । पैसा अभावमा उनी र उनको परिवार समस्यामा थियो ।
मंगलबार गाउँमा एनएमबी माइक्रो फाइनान्सको लगानी रहेको दुई समूहमा फाइनान्सले बैठक बोलाएको थियो । बैठकमा एनएमबी माइक्रो फाइनान्स गोपेटार शाखाकी कर्मचारी सुजता तामाङ पैसा संकलन गर्न गएकी थिइन् । समूहबाट उनले पैसा संकलन गरेर कार्यालय फर्कदै गर्दा उनको त्यही जीवन अन्त्य गरियो । जिल्ला प्रहरी कार्यालय पाँचथरका इन्स्पेक्टर नरेन्द्र कुँवरका अनुसार पैसा बोकेर कार्यालय फर्कने क्रममा हिलिहाङ ६ स्थित जंगल बीचमा पर्ने खोल्सामा उनको जीवन लिइएको थियो ।
त्यसपछि उनीसँग भएको ८१ हजार ७० रुपैंया लुटिएको थियो। सुजताले पैसा बोकेर कार्यालय फर्कदै गरेको थाहा पाएका लावतीले पैसा लुट्ने उद्देस्यले धारिलो हतियार बोकेर बाटो ढुकेको खुल्न आएको छ । ‘पैसाकै लागि सुजताको जीवन लिइएको प्रारम्भिक अनुसन्धानबाट खुलेको छ’, इन्स्पेक्टर कुँवर भन्छन्, ‘सुजताले पैसा बोकेको लावतीलाई थाहा नभएको भए उनको जीवन अन्त्य नहुन सक्थ्यो ।’
वैशाख २९ गते हिलिहाङ ४ कात्तिकेकी १५ वर्षीय किशोरी सीतल योङहाङको धारिलो हतियार प्रयोग गरी मृत्यु भएको थियो । यो जीवन खोसिने कार्यमा संलग्न फाल्गुनन्द गाउँपालिकाका पदम तामाङलाई २० दिनपछि प्रहरीले झापाको दमकबाट पक्राउ गर्यो । पक्राउ परेपछि प्रहरीसँग बयानका क्रममा तामाङले प्रेममा धोका खाएपछि सीतलको जीवन लिएको स्विकारेका थिए । ‘प्रेममा खटपट भएपछि पदम तामाङले सीतलको जीवन नै लिने योजना बनाएको पाइयो’, कुँवरले भने, ‘उनको अन्त्य हुनुभन्दा एक महिना अघिदेखि सीतल र पदमको प्रेममा खटपट सुरु भएको रहेछ । उनीहरु एक महिना अघिदेखि सम्पर्क विहिन भएका रहेछन् ।’
जेठ ६ गते राति मिक्लाजुङ गाउँपालिका–३ आरुबोटेमा एउटै पारिवारभित्रका नौ जनाको अन्त्य भएको थियो । बमबहादुर फियाकका छोरी ज्वाइँ र नातिनीको धारिलो हतियार प्रयोग गरी जीवन चुडाइएको थियो । प्रहरी अनुसन्धानले फियाककै कान्छा ज्वाइँ मानबहादुर माखिमले नौ जनाको जीवन लिएका थिए ।
अनुसन्धानमा ससुरा बमबहादुर र कान्छा ज्वाइँ मानबहादुरबीच आर्थिक लेनदेनमा कुरा नमिलेपछि किचलो सुरु भएको खुलेको थियो । सुसरा बमबहादुरले मानबहादुरलाई विदेश जान दिएको पैसा ज्वाइँले फिर्ता नगरेपछि ससुरा ज्वाइँको परिवारमा तित्तता बढेको प्रहरीले जनाएको छ । ‘आर्थिक किचलोकै कारण ससुरा ज्वाइँको परिवारमा किचलो सुरु भएको पाइयो’, पाँचथरका प्रमुख जिल्ला अधिकारी मुरारी वस्तिले भने, ‘किचलो बढेपछि मानबहादुरकी श्रीमती मनकुमारी फियाकले सम्बन्धविच्छेदको मुद्धा दर्ता गरेकी पाइयो ।
पैसाका कारण ससुराली र श्रीमतिसँगको सम्बन्ध बिग्रिएपछि माखिमले यो काण्ड मच्चाएको देखिएको छ ।’ जिल्लाको तीन वटा जीवन अन्त्यका प्रकरणलाई अनुसन्धान गर्दा प्रेम र पैसाका कारणभएको पाइएको हो। यी कार्यमा संलग्नको बयानका आधारमा उक्त कुरा पुष्टि भएको प्रहरीको दाबी छ । आजको अन्नपुर्ण पोष्टमा खबर छ ।