जनबोली न्यूज नेटवर्क
धनगढी । नर्मला पन्तले न्याय नपाउँदै कञ्चनपुरको शुक्लाफाँटा नगरपालिका–९ नौखरीमा फेरी जबरजस्ती करणी भएको छ । त्यहाँ १७ वर्षिय युवतीलाई सामुहिक जबरजस्ती करणी गरेको आरोपमा प्रहरीले २ जनालाई पक्राउ गरेको छ। प्रहरी स्रोतका अनुसार पक्राउ पर्नेमा शुक्लाफाँटा नगरपालिका–११ का १९ वर्षीय धिरेन्द्र थापा र सोही ठाउँकै भुपेस ऐर रहेका छन्। उनीहरुलाई इलाका प्रहरी कार्यालय झलारीको टोलीले शनिबार पक्राउ गरेको हो ।
युवतीलाई जबरजस्ती करणी गर्ने दुई जनालाई पक्राउ गरिएको इलाका प्रहरी कार्यालय झलारीका प्रहरी निरीक्षक नैनसिंह साउँदले बताए। उनका अनुसार घटनामा ५ जनाको संलग्नता थियो । ‘घटनामा संलग्न अन्य तीन जनाको खोजी भइरहेको छ,’ उनले भने,‘ पक्राउ परेका व्यक्तिको साथबाट एक मोटरसाईकल र एक खुकुरी समेत बरामद गरेका छौं।’ पक्राउ परेका व्यक्तिमाथि थप अनुसन्धान भइरहेको प्रहरीले जनाएको छ। पक्राउ परेका उनिहरुलाई आइतबार जिल्ला अदालतमा पेश गरिने छ।
सबैको जानकारीका लागि सेयर गर्नुहोस !!