यसरी छलाङ मार्दै यातायात व्यवस्था विभागको महानिर्देशक बनेर आए हमाल


काठमाडौ । यातायात व्यवस्था विभागको महानिर्देशकमा गोगनबहादुर हमाल नियुक्त भएका छन्। सरकारले तत्कालीन महानिर्देशक कुमारप्रसाद दाहालको सरुवा गरेसँगै रिक्त रहेको पदमा हमाल आएका हुन्। हमालले सोमबार विभागमा पदबहाली गरे। यसअघि हमाल सुदूरपश्चिम प्रदेशको सामाजिक विकास मन्त्रालयलको सचिवका रुपमा कार्यरत थिए।

 

यातायात व्यवस्था विभागले विगतमा यातायातसम्बन्धी सम्पूर्ण काम गर्दै आएको थियो। अहिले भने सवारी दर्ता, रुट पर्मिट लगायत सम्पूर्ण काम प्रदेश सरकार मातहत गएको छ। स्मार्ट लाइसेन्स सम्बन्धीका काम भने विभागले नै गर्दै आएको छ।

‘विभागले गर्नुपर्ने काम धेरै नै छन्, सँगै चुनौती पनि छ,’ नवनियुक्त महानिर्देशक हमालले भने, ‘सरोकारवालहरुसँग समन्वय गरेर उपभोक्तालाई सहज रुपमा सेवा प्रवाह होओस् भन्नेमा लाग्नेछु।’

अहिले पनि स्मार्ट लाइसेन्स लिन ट्रायल पास गरेर बस्नेको संख्या करिब ५ लाख रहेको छ। विभागले मास प्रिन्टरसहित १० लाख स्मार्ट कार्ड ल्याएकाले अबको केही दिनमा स्मार्ट कार्ड मास प्रिन्टरमार्फत हुनेछ।

पछिल्लो समय यातायात व्यवस्था विभागको नेतृत्व छोटो समयमा परिवर्तन भइरहेको छ। भौतिक पूर्वाधार तथा यातायात मन्त्री रघुवीर महासेठले आफू अनुकूल काम नहुने देखेपछि महानिर्देशक परिवर्तन गर्दै आएका छन्।

प्रतिक्रिया दिनुहोस्
शिक्षा
परीक्षा फारम भर्नेबारे त्रिविको अत्यन्तै जरुरी जानकारी (सुचनासहित हेर्नुहोस्)
त्रिविले गर्यो नतिजा प्रकाशित [अनलाइन यसरी हेर्नुहोस्]
पाकिस्तानले दियो नेपालका ५०० विद्यार्थीलाई छात्रवृत्ति
यसकारण पाल्पाका बालबालिका गणितमा कमजोर
त्रिविले गर्यो परीक्षा तालिका सार्वजनिक (तालिकासहित हेर्नुहोस्)
हाम्रो सरकार

नेपाल जर्निलाई मन्त्रीको साथ, श्रेष्ठको पहलमा चितवनमा बन्नेभयो आधुनिक पुस्तकालय


एम्बुलेन्स खरिद गर्ने अभियानका लागि आउँन थाल्यो सहयोगको ओइरो

गाउँमा एम्बुलेन्स पुग्ने भएपछि खुःशी हुँदै धमाधम गर्न थाले सहयोग

एम्बुलेन्स खरिदका लागि उत्साहित हुँदै सबैतिरबाट दिल खोलेर सहयोग

एम्बुलेन्स खरिदका लागि अमेरिकाबाट आयो यति ठुलो सहयोग, थप गर्ने प्रतिवद्धता