वर्षौपछि यसकारण सम्झनामा आए गिरिजाप्रसाद कोइराला


काठमाडौं । नेपाली काङ्ग्रेसकी नेतृ सुजाता कोइरालाले सहमति, सहकार्य र एकताबाट मात्र लोकतन्त्र बलियो हुने बताउनुभएको छ । गिरिजाप्रसाद कोइराला फाउण्डेशनले आज यहाँ आयोजना गरेको प्रदेश, जिल्ला र विदेश शाखाका प्रतिनिधिका लागि आयोजना गरेको ‘प्रशिक्षण कार्यक्रम’मा उहाँले लोकतन्त्र बलियो भए मात्र मुलुकको विकास हुने बताउनुभयो ।

“गिरिजाप्रसाद कोइरालाले अगाडि बढाउनुभएको सहमति, सहकार्य र एकताको मार्गबाटै शान्ति, लोकतन्त्र र गणतन्त्र संस्थागत भई देशमा समृद्धि आउँछ”, उहाँले भन्नुभयो । नेतृ कोइरालाले लोकतन्त्रलाई बलियो बनाउनका लागि युवा पुस्तालाई अगाडि बढाउनुपर्ने धारणा व्यक्त गर्नुभयो । फाउण्डेशनको अमेरिका शाखाका संयोजक सोमनाथ घिमिरेले फाउण्डेशनले गिरिजाबाबुको योगदानलाई विश्वमाझ फैलाउन नयाँ पुस्तालाई तालीम र अनुसन्धानमा लाग्न प्रेरित गर्नुपर्ने बताउनुभयो ।

फाउण्डेशनको ललितपुरका संयोजक जितेन्द्र श्रेष्ठले फाउण्डेशनलाई सामाजिक कार्यक्रमका क्रियाशिल बनाउनुपर्ने धारणा राख्नुभयो । फाउण्डेशनको काठमाडौँ संयोजक अर्जुन पराजुली, रुपन्देहीका संयोजक खेलराज पाण्डे, नवलपुरका संयोजक झपेन्द्र भुसाल, धादिङका संयोजक बामदेव अधिकारी, सङ्खुवासभाका संयोजक चित्रा कार्की अधिकारीलगायतले फाउण्डेशनले जनस्तरमा पुग्ने गरी विभिन्न कार्यक्रम सञ्चालन गर्नुपर्नेमा जोड दिनुभयो ।

कार्यक्रममा सातै प्रदेशका संयोजक, जिल्ला संयोजक र विदेशस्थित विभिन्न देशका संयोजकको सहभागीता थियो । सामाजिक क्षेत्रमा काम गर्ने उद्देश्यले २०६७ सालमा स्थापना भएको सो फाउण्डेशनले सात प्रदेश, ७७ जिल्ला र विदेशका झण्डै एक दर्जन मुलुकमा शाखा विस्तार गरिसकेको छ । रासस

प्रतिक्रिया दिनुहोस्
शिक्षा
त्रिविद्धारा स्नातक तहको नतिजा प्रकाशित [नतिजासहित]
स्नातकोत्तर तहको नतिजा सार्वजनिक : एसएमएसबाट यसरी नतिजा चेक गर्नुहोस्
स्नातकोत्तर तहको नतिजा प्रकाशित : मोबाईल एसएमएसबाट यसरी हेर्नुहोस्
त्रिभुवन विश्वविद्यालयले परीक्षाबारे निर्णय लिने
स्थगित परीक्षा संचालन गर्ने त्रिविको अन्तिम तयारी : अनलाइन वा सामाजिक दूरी कुन उपयुक्त ?
हाम्रो सरकार

नेपाल जर्निलाई मन्त्रीको साथ, श्रेष्ठको पहलमा चितवनमा बन्नेभयो आधुनिक पुस्तकालय


एम्बुलेन्स खरिद गर्ने अभियानका लागि आउँन थाल्यो सहयोगको ओइरो

गाउँमा एम्बुलेन्स पुग्ने भएपछि खुःशी हुँदै धमाधम गर्न थाले सहयोग

एम्बुलेन्स खरिदका लागि उत्साहित हुँदै सबैतिरबाट दिल खोलेर सहयोग

एम्बुलेन्स खरिदका लागि अमेरिकाबाट आयो यति ठुलो सहयोग, थप गर्ने प्रतिवद्धता