जाजरकोट । नलगाड नगरपालिकाका युवाहरुको पहलमा डोको युगको अन्त्य हुने भएको छ । यहाँका युवाहरुको पहलमा एम्बुलेन्स आउँने भएपछि अब बिरामीलाई डोकोमा बोकेर अस्पताल पुर्याउनुपर्ने समस्या टर्ने भएको छ । देश तथा विदेशमा भएका यस क्षेत्रका युवाहरुको पहलमा नलगाडमा पहिलोपटक एम्बुलेन्स आउँन लागेको हो । युवाहरुको यस अभियानमा देश तथा विदशेमा भएका सबै सहयोगी मनहरुको मन जितिरहेको अभियानका अर्थ संयोजक एवं पत्रकार प्रकाश पन्तले जानकारी दिनुभयो ।

नलगाडबासीको लागि एम्बुलेन्स आवश्यक भएको कुरा लामो समय देखि उठ्दै आएको थियो । यस योजनाका एकजना मुख्य सुत्रधार डाक्टर दम्पती (कपिल चन्द र दिदी गीता शाह चन्द)ले ६० हजार २ सय ५० रुपैयाँ आर्थिक सहयोग गर्नु भएको छ । उहाँले लामो समय नलगाडको कालीमाटीमा रहेर लामो समय नलगाडबासीको स्वास्थ्य सेवामा सहयोग गर्नु भएका थियो । चन्द नलगाडका सयौं युवाहरुका मार्गदर्शक प्रेरणाका स्रोत पनि भएको संयोजक पन्तले बताउनुभयो । उहाँकै सल्लाह, सुझाव र योजनाकै कारण आफुहरु यस अभियानमा होमिएको उहाँले स्पष्ट पार्नुभयो ।

बाँकेको कोहलपुर निवासी चन्द हाल संयुक्त राज्य अमेरिकाको टेक्सासमा बस्दै आउँनु भएको छ । चन्दले यसअघि पनि थुप्रै सामाजिक काममा सघाउदै आउनु भएको थियो । उहाँले एम्बुलेन्स किन्ने पैसा नपुगे थप सहयोग गर्ने प्रतिवद्धता समेत व्यक्त गर्नु भएको छ । यो बाहेक अन्य सहयोगी मनहरुले पनि यस अभियानमा साथ दिइरहनु भएको छ । थप तल हेर्नुहोस्

सम्बन्धित खबरहरु