जनबोली न्यूज नेटवर्क
काठमाडौँ । प्रधानमन्त्री केपी शर्मा ओलीले आकस्मिक मन्त्रीपरिषद्को बैठक बोलाएका छन् । मृगौला प्रत्यारोपणको लागि भोली सोमबारदेखि अस्पताल भर्ना हुने भएपछि सोमबार बस्ने भनिएको मन्त्रीपरिषद्को बैठक आज आइतबार नै बोलाइएको हो ।
साँझ ५ बजे प्रधानमन्त्री निवास बालुवाटारमा बैठक बसिरहेको छ । बैठकमा कोभिड–१९ भाइरसबाट जोगिन विभिन्न देशबाट आउने उडान बन्द गर्ने र नेपालमा अन्तर्राष्ट्रिय सभा सम्मेलन तत्काल स्थगित गर्नेबारे, राष्ट्रिय सभामा मनोनित हुने एक जना सदस्यको नाम राष्ट्रपतिलाई सिफारिस गर्नेबारे निर्णय हुने बताइएको छ ।