गोरखा । निर्माणाधीन पुल ढल्दा तीन जना कामदार घाइते भएका छन्। गोरखामा निमार्णधिन पुल ढल्दा काम गर्ने तीन जना घाइते भएका हुन् । मस्र्याङदी खोलामा बन्न लागेको पुल हिजो राति एकासि ढल्लेको हो ।

 

मध्यपहाडी राजमार्ग अन्तर्गत गोरखाको पालुङटार र तनहुँ तुरतुरे जोड्ने मर्स्याङ्दी नदीमाथि निर्माण भइरहेको थियो । पुलको ढलान गर्न छड कसिरहेका तीन जना कामदार घाइते छन्। जिल्ला प्रहरी कार्यालय गोरखाका प्रहरी उपरीक्षक ओम अधिकारीका अनुसार दुई जना कामदारलाई स्थानीय मेडिकलमा र एक जनालाई उपचारका लागि काठमाडौं ल्याइएको छ। घाइते सुनिल चौधरीलाई उपचार गर्न काठमाडौं ल्याइएको उनले बताए।

‘दुई जना सामान्य छन्, सुनिल चौधरीको कम्मरमुनिको भागमा चोट छ,’ उनले भने। उक्त पुल ४३ मिटर लम्बाइको थियो। ढलानका लागि फर्मा टेकाएर छड बाँध्ने काम भइरहेका बेला एक्कासी पुल ढलेको हो। पुल ढलानका लागि तीन हजारभन्दा बढी टेका लगाइएको थियो।

‘टेका राम्रोसँग जमिनमा नअडेका कारण पुल ढलेको हुनसक्छ,’ एसपी अधिकारीले भने। यो पुल निर्माणको ठेक्का गौरी-पार्वती निर्माण सेवाले पाएको थियो।

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

सम्बन्धित खबरहरु