जनबोली न्यूज नेटवर्क
काठमाडौँ । राष्ट्रिय परीक्षा बोर्डले एसईई, ११ र १२ को परिक्षा मिति तोकिएको हल्ला मात्रै रहेको जनाएको छ । यस्तो हल्लाको पछि नलाग्न राष्ट्रिय परीक्षा बोर्डका सदस्य सचिब दुर्गाप्रसाद अर्यालले आग्रह गरेका छन् ।
यस अघि विश्व भर महामारीको रुपमा फैलिरहेको कोरोना भाइरसको संक्रमलाई ध्यानमा राखेर शिक्षा, विज्ञान तथा प्रविधि मन्त्रालयले सम्पूर्ण पठनपाठन चैत मसान्तसम्मको लागि स्थगित गर्नुको साथै एसईई पनि अर्को सूचना नआएसम्मको लागि स्थगित गरेको थियो ।
यही चैत ६ गते हुनगइरहेको एसईई बिश्वभर महामारीको रूपमा फैलिएको कोरोना भाइरसको कारण स्थगित भएको थियो । राष्ट्रिय परीक्षा बोर्डले २०७७ सालको कक्षा ११ र १२ को परीक्षा तालिका माघ ७ गते नै सार्वजनिक गरिसकेको थियो ।
परीक्षा तालिका अनुसार कक्षा १२ को परीक्षा २०७७ वैशाख ८ गतेदेखि सुरु हुने थियो भने कक्षा ११ को परीक्षा वैशाख २१ गतेदेखि सुरु हुने थियो । तर, कोरोना भाइरसको जोखिमलाई लिएर कक्षा ११ र १२ को परीक्षाको नयाँ तालिका सार्वजनिक हुनसक्छ । तर, अहिले सामाजिक सञ्जालमा आएका नयाँ तालिका भने भ्रमपुर्ण रहेका छन् ।
भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।
पोखरामा विपन्न, अशक्त र अलपत्रलाई राहत दिइने
पोखरा महानगरपालिकाले राहत वितरणका लागि लाभग्राही छनोट मापदण्ड बनाएको छ । महानगरका प्रमुख मानबहादुर जिसीको अध्यक्षतामा बुधबार बसेको ३७ औं नगरकार्यपालिका बैठकले अतिविपन्न, दैनिक ज्यालादारी गरेर जीविकोपार्जन गर्नेलगायतलाई राहत उपलब्ध गराउन महानगरपालिकाले बनाएकोे राहत कोषबाट राहत वितरणका लागि लाभग्राही छनोट गर्न मापदण्ड बनाएको महानगरका प्रवक्ता धनबहादुर नेपालीले जानकारी दिनुभयो । कोषमा रु दुई करोड ४८ लाख ५० हजार छ । नेपालीका अनुसार कुनै आयस्रोत नभएका, दैनिक ज्याला मजदूरी गरी जीवनयापन गर्ने परिवार तथा अन्य कसैबाट पनि उचित स्याहारसुसार नपाएका (ज्येष्ठ नागरिक असहाय, अशक्त, गर्भवती, दीर्घरोगी,टुहुरा बालबालिका र फरक क्षमता भएका)लाई लाभग्राहीका रुपमा छनोट गरिने छ ।
त्यसैगरी सामाजिक सुरक्षा भत्ता प्राप्त नगरेका, अलपत्र स्वदेशी तथा विदेशी र धार्मिकस्थलमा भेटचन्दा संकलन गरी जीविकोपार्जन गर्ने व्यक्तिलाई लाभग्राहीका रुपमा छनोट गरिने मापदण्ड बनाइएको नेपालीले बताउनुभयो । राहत वितरण गर्दा व्यक्तिको परिचय खुल्ने कुनै एउटा कागजपत्र भए हुनेछ । बैठकले महामारी रोकथाम तथा नियन्त्रणका लागि नगर प्रमुख जिसीको संयोजकत्वमा उपप्रमुख मञ्जुदेवी गुरुङ, वडा नं ४ का वढाध्यक्ष शंकर बास्तोला, ९ का वडाध्यक्ष रामराज लामिछाने, १३ का वडाध्यक्ष लेखबहादुर तामाङ, वडा नम्बर १९ का वडाध्यक्ष शोभामोहन पौडेल र प्रमुख प्रशासकीय अधिकृत धु्रवकुमार पोखरेल सदस्य रहेको निर्देशन तथा समन्वय कार्यदल गठन गरेको छ ।
धूप बाट्नेले राहत पाएपछि...
“ धूप बाट्ने काम गरेर घर खर्च चलाउँदै आएका थियौँ, घरमै गर्न मिल्ने काम भएपनि सामान नपाएर काम भएको थिएन । वडा कार्यालयबाट राहत मिल्यो । केहीे दिन गुजारा चल्ने भयो ।” वडा कार्यालयले बोलाएरै राहत दिएपछि पनौती नगरपालिका–७ कोलाँछेका चनु घुल्लुमा बेग्लै खुशी छ । दैनिक काम गरेर गुजारा चलाउने घुल्लुको काम लकडाउनका कारण कागज र कपास नपाएपछि प्रभावित भएकोे थियो । उक्त कामबाट कमाएको मासिक रु छ÷सात हजारले घर खर्च चलाउँदै आएका उहाँले राहत बुझेपछि भन्नुभयो, “यति राहतले चार-पाँच दिनलाई भए पनि पुग्नेभयो, खुशी लाग्यो हाम्रो समस्यालाई बुझेर वडा कार्यालयको तर्फबाट राहत पाइयो ।”
कोरोना भाइरस सङ्क्रमणको सम्भावित जोखिम न्यूनीकरणका लागि सरकारले लकडाउन गरेपछि काम गर्न नपाएका निम्न आयस्तर भएका मजदुर, किसान र अशक्तलाई काभ्रेको पनौती नगरपालिका–७ ले राहत बाँडेपछि उनीहरु खुशी नहुने कुरै भएन । सोही ठाउँका स्थानीय बासिन्दा विज्येश्वरी श्रेष्ठले आफूहरुले गर्दै आएको धूप बाट्ने काम बन्द भएपछि घर खर्च चलाउन समस्या भएका बेला नगरपालिका सारथी बनेकोे बताउनुभयो । “खेती किसानी काम केही छैन, त्यही कामबाट नै घर खर्च चलाउने हो”, उहाँले भन्नुभयो, “त्यो पनि बन्द भएपछि अहिले हामी त्यत्तिकै बस्नेबाहेक अरु विकल्प छैन ।”
पालिकाले वडा नं. ७ बाट शुरु गरेको राहत वितरण कार्यक्रमअन्तर्गत सो वडाका वडाध्यक्ष रामचन्द्र नास्नानीको नेतृत्वमा रातह वितरण गरिएको हो । उहाँले निम्न आयस्तर भएका परिवार, एकल र असहाय व्यक्तिको पहिचान गरी राहत वितरण गरिएको बताउनुभयो । वडा सदस्य पुरुषोत्तम कर्माचार्यका अनुसार वडाका १०५ परिवार, एकल र असहायलाई चामल, दाल, खानेतेल, नुन, चिनीलगायतका खाद्यन्न वितरण भएको छ । रोजगार गरी खानेहरु लकडाउनका कारण काम बन्द भएपछि केही भए पनि सहयोग पु¥याउने गरी राहत वितरण गरेको कर्माचार्यले बताउनुभयो । मङ्गलबार बसेको वडास्तरीय विपद् व्यवस्थापन समितिको बैठकले खाद्यान्न वितरण गर्ने निर्णय गरेअनुरुप बुधबार त्यसरी वितरण भएको हो । बनेपा नगरपालिका–७ ले पनि बुधबार नै वडाभित्रका १०० विपन्न परिवारलाई पहिलो चरणमा खाद्यान्न वितरण गरेको छ । वडाध्यक्ष वर्ष शाक्यको नेतृत्वमा सो राहत वितरण गरिएको हो ।
यसैबीच सत्तारुढ नेपाल कम्युनिष्ट पार्टी (नेकपा) निकट अखिल नेपाल ट्रेड युनियन महासङ्घ, बनेपा नगर कमिटीले दैनिक ज्यालादारी मजदुरी गरिखाने परिवारलाई केही भए पनि राहत पु¥याउने उद्देश्यले २० परिवारलाई खाद्यान्न सहयोग गरेको छ । समितिका नगर इञ्चार्ज राजन अधिकारीका अनुसार दैनिक ज्यालादारी गरेर खानेहरु लकडाउनका कारण दैनिक गुजारा चलाउन समस्या भएपछि विभिन्न सङ्घसंस्थाको सहयोगमा एक बोरा चामल, दाल, नुन, तेल र साकुन वितरण गरेको इञ्चार्ज अधिकारीले बताउनुभयो ।
बन्दका कारण दैनिक ज्यालादारी खाने मजदुरलाई हातमुख जोर्नै समस्या भएको भन्ने कुरा सुन्नमा आएपछि सामाजिक सञ्चालमार्फत आह्वान गरेपछि त्यहाँ आएको प्रतिक्रियाका आधारमा उहाँहरुको नाम, सम्पर्क नम्बर र कस्तो खालको समस्या हो, त्यसबारेमा यथार्थ बुझेर बुधबार इलाका प्रहरी कार्यालय बनेपाको अनुमतिमा प्रहरी प्रशासनकै रोहवरमा वितरण गरेको उहाँले बताउनुभयो ।
प्राप्त राहतले धेरै सहयोग पुग्ने बनेपा नगरपाकिला–६ बुडोल बस्दै आउनुभएका तेमाल गाउँपालिका–५ गिम्दीका अशक्त पूर्ण तामाङले बताउनुभयो । चार वर्ष अगाडि वैदेशिह रोजगारको सिलसिलामा मलेशियामा रहँदा गाडीको ठक्करबाट घाइते भई हाल अशक्त अवस्थामा रहेका तामाङ श्रीमतीको हेरचाहमा जीवन बिताउँदै आउनुभएको छ । ह्वीलचियरको माध्यमबाट यताउता गर्न सक्ने तामाङ श्रीमतीको थाङका लेखन पेशाबाट गुजारा चलाउँदै आएकामा कोरोना भाइरसको कारण चीनसँगको व्यापार ठप्प भएपछि खर्च जुटाउन मुस्किल भएको बताउनुभयो । “यस्तो समस्याको बेलामा हामीलाई सहयोग गर्नुभएकोमा धन्यवाद ।” खुशी हुँदै पूर्णले भन्नुभयो, “कमाउन सक्ने अवस्थामा नभएकाले बन्दको बेलामा साथ पाउँदा निकै खुशी छु ।”
बसपार्क नजिकै रहेको सैलुनमा काम गर्ने कामदार भारत बिहार घर भएका मजदुर अरुणकुमार ठाकुरले काम नभएपछि देनिक गुजारा चलाउनै गाह्रो भएको उहाँले बताउनुभयो । मासिक रु १० हजार जति कमाउने गरेको बताउने उहाँले राहत पाएपछि धेरै राहत मिल्ने उहाँले भनाइ छ । रोशीका कर्मचारीको सहयोग सरकारले स्थापना गरेको कोरोना भाइरस सङ्क्रमण रोकथाम नियन्त्रण तथा उपचार कोषमा रोशी गाउँपालिकामा कार्यरत कर्मचारीको तलबबाट कट्टा गरी रु एक लाख ८८ हजार १२० जम्मा गरिएको छ । गाउँपालिकाले सो रकम बुधबार कोषको खातामा जम्मा गरेको गाउँपालिका प्रमुख प्रशासकीय अधिकृत डम्बरु दाहालले जानकारी दिनुभयो ।