जनबोली न्यूज नेटवर्क
काठमाडौ । सगरमाथा चीनमा रहेको दाबी गरेको चिनियाँ सञ्चारमाध्यम सीजीटीएनले यसअघिको आफ्नो भनाइ सच्याएको छ ।
नेपाली मिडिया र नागरिकको सर्वत्र चर्चापछि उसले उक्त लेखाई सच्याएको हो ।
सगरमाथा चीनमा रहेको भन्दै यसअघि गरेको ट्वीट सच्याउँदै चिनियाँ सञ्चारमाध्यम सीजीटीएनले भनेको छ, ‘सगरमाथा नेपाल–चीनको सीमामा छ ।’
- दुनियाँकै सबैभन्दा अनौठो मानिने चीन र नेपाल सीमा यस्तो छ !
- नेपाल-चीन सीमामा हराएको ११ नम्बर पिल्लर यस्तो अवस्थामा भेट्टियो
- नेपाल–चीन सीमामा पहिलो पटक गाडियो नेपालको चन्द्र सुर्य अंकित झण्डा
अघिल्लो ट्वीट सच्याउँदै चाइना ग्लोबल टेलिभिजन नेटवर्कले नयाँ ट्वीटमा भनिएको छ,‘नेपाल–चीन सीमामा रहेको विश्वकै सर्वोच्च शिखर सगरमाथाका रुपमा चिनिएको चोमोलोङ्मा हिमालको आकाशमा १ मेको शुक्रबार एक असाधारण सूर्यको प्रकाशको घेरा देखिएको छ ।’
यसअघि २ मेमा सीजीटीएनले भनेको थियो, ‘चीनको स्वायत्त क्षेत्र तिब्बतमा रहेको विश्वकै सर्वोच्च शिखर सगरमाथाका रुपमा चिनिएको चोमोलोङ्मा हिमालको आकाशमा शुक्रबार एक असाधारण सूर्यको प्रकाशको घेरा देखिएको छ ।’
सबैको जानकारीको सेयर गर्नुहोस !!