सर्लाहीको एउटै स्थानमा २६ जना कोरोना संक्रमित, आइसोलेसन बेड कही छैन


जनकपुरधाम । देशमा अब भयावह अवस्था आउँन थालिसकेको छ । संक्रमण तिब्र गतिमा फैलिरहेका अधिकांश स्थानमा बिरामी राख्ने बेडको समस्या देखिन थालेको छ । यही समस्या सर्लाहीमापनि देखिएको छ । त्यहाँको गोडैता नगरपालिकामा पछिल्लो दुई दिनमा कोरोना संक्रमितको संख्या २६ पुगेको छ ।

 

शुक्रबार १४ जना संक्रमित देखापरेकोमा शनिबार थप १२ जना संक्रमित भेटिएका हुन् । यी २६ जना नै एक साताअघि भारतबाट आएका प्रमुख जिल्ला अधिकारी मोहनबहादुर जिसीले बताए । उनीहरु सीमा नाकाबाट लुकेर छिरेको पाइएपछि क्वारेन्टाइनमा भर्ना गरिएको थियो ।

शनिबार सर्लाहीको कविलासी नगरपालिकामा पनि १ जना पुरुष संक्रमित देखिएका छन् । यी पुरुष पनि भारतबाट आएको प्रमुख जिल्ला अधिकारी जिसीले बताए । यी दुई स्थानीय तहसँगै सर्लाहीको ६ स्थानीय तहमा कोरोना संक्रमित देखापरिसकेका छन् । बागमती नगरपालिका ९ का ३४ बर्षीय पुरुष, हरिवन नगरपालिकाको नयाँ रोड बस्ने ३१ बर्षीय पुरुष, धनकौल गाउँपालिकाका १४ बर्षीय बालक, हरिपुर्वा नगरपालिका ३ धनकौल पूर्वका ४५ बर्षीय पुरुष र रामनगर गाउँपालिकाका १८ वर्षीया युवती र एक जना पुरुषमा कोरोना संक्रमण भइसकेको छ ।

 

हरिवन नगरपालिकामा फेला परेका पुरुष उदयपुर जिल्ला निवासी हुन् भने बागमती नगरपालिका र रामनगर गाउँपालिकाकी १८ बर्षीया युवती काठमाडौंमै बस्दै आएका छन् । सर्लाहीमा कुल संक्रमितको संख्या ३३ पुगेको छ । यसमध्ये दुई जना काठमाडौंमै बस्दै आए पनि बाँकी यहींका छन् ।

 

आइसोलेसनको समस्या

सर्लाहीमा लगातार संक्रमित फेला पर्न थालेपछि आइसोलेसनको समस्या भएको छ । शनिबार बिहान १३ जना संक्रमित फेला परेपछि उनीहरुलाई कुन ठाउँको आइसोलेसनमा राख्ने भन्ने बिषयमा छलफल भइरहेको जिल्ला प्रशासन कार्यालयले जनाएको छ ।

 

शनिबार बिहान फेला परेका बाहेक यसअघिका संक्रमितलाई प्रादेशिक अस्पताल जनकपुरधाम र नारायणी अस्पताल वीरगञ्जको आइसोलेसनमा राखिएको छ । तर, अब यी दुबै अस्पतालमा बेड खाली नभएको सूचना आएको प्रमुख जिल्ला अधिकारी जिसीले बताए । उनले यी संक्रमितलाई राख्न जिल्लामै आइसोलेसन बनाउने तयारी भइरहेको बताए ।

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

 
प्रतिक्रिया दिनुहोस्
शिक्षा
लामो समयदेखि कायममुकायम प्रमुखको भरमा विश्वविद्यालय
नेपालमा कृषि अध्ययनमा के–के छन् अवशर : कहाँ कुन तहमा के–के पढाई हुन्छ ?
यस वर्ष देखि कक्षा ११ र १२ को पाठ्यक्रम परिवर्तन, अव यो पाठ्यक्रममा पढाई हुने [पाठ्यक्रमसहित]
त्रिविका सेमेष्टर प्रणालीको परीक्षाबारे निर्णय गर्न कार्यदल गठन
त्रिभुवन विश्वविद्यालको वार्षिक विद्यार्थी सङ्ख्या क्रमशः घट्दै
हाम्रो सरकार

नेपाल जर्निलाई मन्त्रीको साथ, श्रेष्ठको पहलमा चितवनमा बन्नेभयो आधुनिक पुस्तकालय


एम्बुलेन्स खरिद गर्ने अभियानका लागि आउँन थाल्यो सहयोगको ओइरो

गाउँमा एम्बुलेन्स पुग्ने भएपछि खुःशी हुँदै धमाधम गर्न थाले सहयोग

एम्बुलेन्स खरिदका लागि उत्साहित हुँदै सबैतिरबाट दिल खोलेर सहयोग

एम्बुलेन्स खरिदका लागि अमेरिकाबाट आयो यति ठुलो सहयोग, थप गर्ने प्रतिवद्धता