जनबोली न्यूज नेटवर्क
चितवन । नारायणगढ मुग्लिन सडकखण्ड अन्तर्गत तुइन खोला पुलमा २ वटा ट्रक एक आपसमा ठोक्किएर दुर्घटना भएपछि सडक अवरुद्ध भएको छ । विहान साढे छ बजेतिर नारायणगढबाट धादिङ्ग तर्फ आउदै गरेको ना ५ ख ९१२२ नम्बरको मालबाहक ट्रक र काठमाडौंबाट विरगञ्ज फर्कदै गरेको ना ८ ख १५५२ नम्बरको टेलर एक आपसमा ठोक्किएपछि सडक अवरुद्ध भएको हो ।
ट्रकको अगाडिको भाग पुलमा झुण्डिएको अवस्थामा रहेकोले निकाल्नको लागि चितवनबाट क्रेन मगाइएको प्रहरीले जनाएको छ । दुर्घटनमा एक जना घाइते भएका छन् । घाइतेको मुग्लिन हाइवे अस्पतालमा उपचार भइरहेको छ । तुइन खोला पुलमा हालसम्म एक सय भन्दा बढी दुर्घटना भइसकेका छन् । ४० भन्दा बढीले अकालमा ज्यान गुमाएको स्थानीयहरु बताउँछन् ।