अनमोलको फेसबुकमा केटी फ्यान धेरै, छोटो समयमै बढ्यो क्रेज

  • जनबोली न्यूज नेटवर्क
  • बुधबार ३० पुस, २०७१

नायक अनमोल केसीलाई फेसबुकमा पछ्याउने यूवतीहरुको संख्या दिनहुँ बढिरहेको छ । छोटो समयमा नै अनमोलको फेसबुक लाइक पेजमा ५७ हजार फ्यान पुगिसकेका छन् । यो नेपाली चलचित्रका कुनै पनि नायकको लाइक पेजमा सर्वाधिक धेरै हो । सामाजिक संजालमा सधै अगाडि देखिने नायक जीवन लुइटेलको फेसबुकमा २७ हजार लाइक पेज छ । नेपालका केही नायिकाको फेसबुक लाइक पेजमा १ लाख बढी फ्यान छन् । फेसबुकमा सर्वाधिक धेरै फ्यान कमाएकी नायिका रेखा थापा हुन् । अनमोलको फेसबुक लाइक पेज एक फ्यानले बनाइदिएका थिए । उनलाई चलचित्र ‘जेरी’  प्रदर्शनको समयमा फ्यानले हस्तान्तरण गरेका हुन् । ‘जेरी’ चलचित्र चलेपछि अनमोलले फेसबुक पेजमा आफूलाई अगाडि बढाएका हुन् । उनको लाइक पेज छोटो समयमा नै ५७ हजार माथि पुगिसकेको छ । अनमोल यसले आफूलाई अझ कामप्रति उत्प्रेरित गरेको बताउँछन् । उनले आफूलाई भाग्यमानी पनि ठानेको बताए ।

अनमोलको पेजमा कस्ता फ्यान छन् त ? भने-‘अधिकांश यूवतीले मलाई लाइक गरेका छन् । करिब ८० प्रतिशत फ्यान यूवती मात्र छन् । विशेषगरि धरान, पोखराका यूवतीले मन पराएको पाएको छु । काठमाण्डौका यूवतीले पनि पछ्याएका छन् ।’
अनमोलका अनुसार विशेषगरि कोरियन चलचित्र रुचाउँने यूवतीहरुले उनलाई लाइक गरेका छन् । सुरुवातमा कोरियन कलाकारको तस्बिर आफ्नो फेसबुकमा राखेका यूवतीले अहिले अनमोलसँगको तस्बिर जोडेर राखेका छन् । अनमोलका थुप्रै फेक आइडी पनि छन् । जसले आफ्नो बारेमा नकारात्मक खबर दिइरहेको उनको भनाई छ । उनले आफ्नो असली आइडी मा मात्र लाइक गर्न फ्यानहरुलाई आग्रह गरेका छन् । उनले फेसबुक पेज आफ्ना लागि एउटा राम्रो स्थान भएको बताए । उनले आफ्नो चलचित्रको प्रचारको साथै फ्यानहरुसँग जोडिनका लागि लाइक पेजलाई प्रयोग गरिरहेको खुलाए । नेपाली चलचित्र क्षेत्रमा नयाँ स्टारको रुपमा उदाउँदै गरेका अनमोलको लाइक पेजमा फ्यानको संख्या छोटो समयमा नै निक्कै बढेको देखिन्छ ।

सम्बन्धित खबरहरु