काठमाडौ । नयाँ प्रशिक्षक रोनाल्ड कोम्यानको नेतृत्वमा बार्सिलोनाले स्पेनिस ला लिगाको नयाँ सिजनमा विजयी शुरुवात गरेको छ । आइतबार भएको खेलमा बर्सिलोनाले भिल्लेरियाललाई ४–० ले पराजित गर्न सफल रह्यो ।

 

खेलमा अन्सु फाती नायक रहे । उनले बार्सिलोनाको शुरुवाती दुई गरे । उनले बार्सिलोनका लागि पेनाल्टी पनि जिते जसलाई कप्तान लियोनेल मेस्सीले गोलमा परिणत गरे । पहिलो हाफको अन्त्यमा मेस्सीको क्रसलाई पाउ टोरेसले आफ्नै पोष्टमा छिराउँदै आत्मघाती गोल गरे ।

 

 

मेस्सी १७ ला लिगाको सिजनमा गोल गर्ने छैटौँ खेलाडी बनेका छन् । शनिबार मात्र रियल म्याड्रिडका कप्तान सर्जियो रामोशले पनि उक्त उपलब्धि हासिल गरेका थिए ।

 

अन्य खेलमा लेभान्तेले ओसासुनालाई ३–१ ले हरायो भने एथ्लेटिक बिल्बाओले इबारलाई २–१ ले पराजित गर्यो । सेभियाले काडिजमाथि ३–१ को जीत हासिल गर्दा सेल्टाभिगो र रियल भालाडोलिडले बराबरी खेले ।

 

सम्बन्धित खबरहरु