काठमाडौ । अमेरिकी राष्ट्रपति चुनावमा डेमोक्रेटिक पार्टीका जो बाइडेनले अहिलेका राष्ट्रपति डोनाल्ड ट्रम्पलाई हराएर बहुमत प्राप्त गरेका छन् । उनले बहुमतका लागि आवश्यक इलेक्टोरल भोट हासिल गरिसकेका छन् ।

चुनावको नतिजापछि ट्रम्पले लगातार भोट गणनामा धाँधली भएको आरोप लगाउँदै पुन गणना भए आफै विजयी हुने घोषणा गरिरहेका छन् । उनी अहिलेसम्मपनि हार स्वीकार गरिरहेका छैनन् । ट्रम्पले केही दिन अघि चुनावमा धाँधली भएको र यो भिडियो नै प्रमाण भएको भन्दै सेयर गरेका थिए । तर त्यो भिडियो नै फेक भएको पुष्टि भएको छ ।

सत्य के हो ?

यो भिडियोको सत्यताका बारेमा भारत र अमेरिकाका मिडियाले सत्यत्ता पत्ता लगाउन अनुशन्धान गरे । मिडियाले यो भाइरल भिडियोको पृष्ठभूमिमा बजिरहेको आवाजको ध्यानले सुनियो । त्यो आवाज मतदान स्थलको जस्तो कदापी छैन ।

हुलाकमा पोस्टल मतपेटिका तयार गरिरहेको भिडियो बनाइरहेकी महिला आवाज दिन्छिन् की यो पोस्टल ब्यालेट हो । प्रमाणका लागि ति महिलाले आफ्नो आईडी कार्डपनि देखाउँछिन् ।

ट्रम्पभन्दा पहिले यो भिडियो कयौँ ट्वीटर यूजर्सले चुनाव धाँधली भएको दावी गर्दै पोष्ट गरेका छन् । लस एन्जिल्सका कन्ट्री रजिस्ट्रारले यो दावीको जवाफ दिएका छन् । रजिस्ट्रारले जवाफमा भनेका छन् । कुनैपनि मतपेटिकाको संकलन छुटेको छैन । भिडियोमा देखाइएको मतपेटिका हाम्रो रजिष्ट्रेशनमा छैन । यो बनाइएको हो ।

मतपेटिकाको चुनावकै रात ८ बजेभित्र सिल गरिएको थियो । यो भन्दा अघिल्लो दिन नै विभिन्न ठाउँबाट संकलित मतपेटिका सिलसहित नै आएका छन् । कुनैपनि मतपेटिका छुटेका छैनन् । भाइरल भिडियोमा देखाइए जस्तै कुनैपनि मतपत्र छुटेको छैन ।

हामीले मतपेटिका अघिल्लो दिन नै गणना गरेर एक ठाउँमा सुरक्षित गरिसकेका थियौँ । यो भिडियो खिचिएको भोलिपल्ट छ । यसैले यो भिडियो फेक हो । ट्रम्पको दावी फेक हो । कुनैपनि कानूनी प्रक्रियामा गएपनि उनले प्रमाण पुर्याउन सक्दैनन् ।

सम्बन्धित खबरहरु