साढे दुई महिनामा ७६ बालबालिका उद्धार गर्ने प्रहरी अधिकृत सीमाको सर्वत्र चर्चा, दिइयो प्रमोशन

काठमाडौं । सामाजिक सञ्जालमा एक महिला प्रहरीको चर्चा चुलिएको छ । भारत, दिल्लीको समैपुर बदली प्रहरी चौकीमा तैनाथ एक महिला हेड कस्टेबललाई आउट–टर्न प्रमोशन (पदोन्नति) दिइयो । हेड कस्टेबल सीमा ढाकाले साढे दुई महिनामा ७६ बालबालिकाको उद्धार गर्न सफल भएकी छिन् । यी मध्ये ५६ जना १४ बर्ष भन्दा कम उमेरका रहेका छन् ।

दिल्ली पुलिस कमिश्नर एनएन श्रीवास्तवले सीमा ढाकालाई आउट–टर्न पदोन्नति घोषणा गरेका हुन् । उनलाई प्रोत्साहन योजना अन्तर्गत पदोन्नति गरिएको हो । यस योजना अन्तर्गत पदोन्नति प्राप्त गर्ने सीमा दिल्ली प्रहरीको पहिलो अधिकारी भइन् । बालिकाहरु धेरै जसो नेपालबाट ल्याइएका हुन् । उनीहरुलाई प्रक्रिया पुर्याएर धेरैलाई नेपाल फर्काएको दिल्ली प्रहरीले जनाएको छ ।

She is Seema Dhaka. A constable in Delhi police. She just became first Delhi Police Officer to get out of turn promotion for tracing 76 missing kids. Most of her cases involved children who had been separated from their families and disappeared years ago. Salute madam 🙏🏻🙏🏻 pic.twitter.com/tqgXD4VLap

— Parveen Kaswan, IFS (@ParveenKaswan) November 18, 2020

सीमाका अनुसार उनका लागि सबैभन्दा चुनौतीपूर्ण घटनामध्ये यो वर्षको अक्टोबरमा पश्चिम बंगालबाट एक नाबालिकाको रिहाइ थियो । प्रहरी टोली डुङ्गामा यात्रा गर्यो र बाढीको समयमा बच्चालाई भेट्न दुईवटा नदीहरू पार गर्नुपरेको थियो ।

सीमा ढाकाले भनिन्, ‘दिल्ली, पश्चिम बंगाल, यूपी, बिहार, हरियाणा र पञ्जाबका केटाकेटीहरू बचाइएको छ । म महिनौंदेखि त्यस्ता विषयमा काम गर्दै थिए । म एक आमा हुँ र कसैले पनि आफ्नो बच्चा गुमाउन चाहँदैनन् ।’ उनले बच्चाहरूलाई बचाउन १४ देखि २४ घण्टा काम गरेको बताइएको छ ।