काठमाडौं । नेपालमा गत २४ घण्टामा शनिबार थप २६६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले यस्तो जनाएको छ । योसँगै नेपालमा कुल कोरोना संक्रमितहरुको संख्या २ लाख ६७ हजार ३ सय २२ पुगेको छ ।

अर्कोतिर २४ घण्टामा थप ४०० जना कोरोना संक्रमणबाट निको भएर डिस्चार्ज भएका छन् । योसँगै निको हुनेको संख्या २ लाख ६१ हजार ४ सय ४४ पुगेको छ । देशभरी सक्रिय संक्रमितको संख्या भने ३ हजार ९ सय १९ छ ।

मन्त्रालयका अनुसार हालसम्म पीसीआर विधिबाट २० लाख १२ हजार ४ सय ५२ परीक्षण गरिएको छ । हालसम्म क्वारेन्टाइनमा रहनेको संख्या २२१ रहेको छ । कोरोना संक्रमणबाट २४ घण्टामा ५ को मृत्यु भएको छ । हालसम्म कोरोना संक्रमणबाट मृत्यु हुनेको संख्या १ हजार ९५९ जना रहेको छ ।

सम्बन्धित खबरहरु