जनबोली न्युज डेस्क, काठमाडौ । संविधान सहमति जुटाउने छलफल भईरहेको बेला दलहरुबीच असहमति गाँठो नफुक्दा एकिकृत माओवादी लगायत ३० दलीय मोर्चाले गत मंगलबार देश्व्यापी बन्दले जनजीवन प्रभावित बनायो । एकिकृत माओवादीले संविधानसभामा पनि बहुमतिय खेल खेल्न खोजिरहेकाले भिडन्त भएको बताएका हुन् ।
काठमाडौको अल्फबिटा कम्प्लेक्समा एक पत्रकार सम्मेलन गर्दै अध्यक्ष प्रचण्डले संसदवादी दलहरुको गैर जिम्मेवारीका कारण भिडन्त भएको बताएका हुन् । सरकार बनाउन र फाल्नको लागि बहुमत र अल्पमतको खेल हुने भएता पनि सहमति अरु कुनै विकल्प नरहेको बताएका थिए । अध्यक्ष दाहालले दलहरुका बीचमा संविधानका विवादित विषयमा सहमति नबनेसम्म संविधान सभाको अवरोध नहट्ने प्रष्ट्याउँदै सहमतिको संभावना रहँदा पनि कांग्रेस एमालेले प्रक्रिया थाल्नाले अवस्था जटिल बनेको बताएका हुन् । अब भने सहमतिको संभावना बढेर गएको छ, अध्यक्ष दाहालले बताए ।