काठमाडौं । दुबईमा दर्जनौं युवतीहरुलाई पक्राउ गरिएको छ । गत आइतबार दिउँसो शहरको बीचमा एउटा कौसीमा कपडा नलगाएको फोटो खिच्दै पोस्ट गर्ने महिलाहरुलाई दुबई प्रहरीले पक्राउ गरेको हो । आइतबार साँझ ति महिलाहरुको एक कपडा नलगाएको भिडियो सामाजिक सञ्जालमा भाइरल भयो ।

दुबई टावरमा बस्ने एक जनाले अर्को भवनबाट ति महिलाहरुको समूहले गरिरहेको हर्कत रेर्कड गरेका हुन् । अपुष्ट रिपोर्टले दिएको जानकारी अनुसार उनीहरु रसिया, मोल्डोभा, युक्रेन र बेलारूसलगायत पहिलेको सोभियत संघका मोडलहरु हुन् ।

भिडियो चाँडै इन्टरनेटमा भाइरल भयो, त्यसपछि स्थानीय प्रहरीले उनीहरुलाई समात्यो । दुबई प्रहरीका अनुसार त्यस्ता कार्यमा संलग्नहरुलाई ६ महिना जेल र ५,००० दिराम जरिवाना हुनसक्छ । यस्ता कार्यक्रमका आयोजकहरूका लागि सजाय झनै गम्भीर हुन सक्दछ ।

अधिकारीहरुद्धारा जारी विज्ञप्तिमा भनिएको छ, ‘दुबई प्रहरीले एमिरेट्स समाजको मूल्यमान्यता र नैतिकता झल्काउने त्यस्तो अस्वीकार्य व्यवहारको विरुद्ध चेतावनी दिन्छ ।’ सोमबार बिहान मस्कोको आरआईए नोवोस्ती समाचार एजेन्सीले दुबईमा रूसी महावाणिज्य दूतावासको एक स्रोतलाई उद्धृत गर्दै आठ जना रूसी नागरिकहरू सहित करीव ४० जनालाई पक्राउ गरेको बताएको छ ।

पक्राउ गरीएकाहरू मध्ये एक फोटोशूट सेट अप गर्ने व्यक्ति पनि छन् । विज्ञप्तिमा भनिएको छ, ‘उनीहरूले वाणिज्य दूतावासलाई सहयोगको लागि अपील गरे, तर यहाँ केहि गर्न गाह्रो छ ।

अवैध कामहरुमा भाग लिनका लागि कानून एकदम गम्भीर छ ।’ यद्यपि, त्यसको केही समय पछि, आरआईएले आफ्नो बयान परिवर्तन गर्‍यो र कूटनीतिज्ञहरूलाई उद्धृत गर्दै कुनै पनि रूसी महिलालाई पक्राउ गरिएको छैन भन्यो ।

उनीहरुका अनुसार जम्मा १२ जना पक्राउ परेका छन् । ती मध्ये एक मात्र रूसका हुन्, फोटोशूट सेट अप गर्ने व्यक्ति रुसका हुन भनिएको छ । संयुक्त अरब एमिरेट्सको दुबई शहर, इस्लामको धार्मिक नियमहरु को वरिपरि निर्मित छ । एक कानूनी कोड शरिया कानूनमा आधारित कानूनी प्रणाली कायम रहेको छ ।

सम्बन्धित खबरहरु