जनबोली न्यूज नेटवर्क
काठमाडौं । गत २४ घण्टाभित्र भारतमा अहिलेसम्मकै धेरै कोरोना संक्रमित थपिएका छन् । भारतको केन्द्रीय स्वास्थ्य मन्त्रालयका अनुसार गत २४ घण्टामा भारतमा कोरोना संक्रमितको संख्या १ लाख ८४ हजार भन्दा धेरै रहेका छन् ।
यो सँगै कुल कोरोना संक्रमितहरुको संख्या १ करोड ३८ लाख भन्दा धेरै पुगेको छ । अर्कोतिर २४ घण्टामा १ हजार २७ जनाको मृत्यु भएको छ । भारतमा अहिलेसम्म १ लाख ७२ हजार ८५ जनाको कोरोना महामारीका कारण मृत्यु भएको छ ।
मन्त्रालयका अनुसार भारतमा हालसम्म कोरोना संक्रमणलाई जित्नेहरुको संख्या १ करोड २३ लाख नाघेको छ । गएको २४ घण्टामा ८२ हजार भन्दा धेरै कोरोना संक्रमणमुक्त भएका छन् ।
सक्रिय संक्रमितहरुको संख्या १३ लाख ६५ हजार पार गरेको छ । स्वास्थ्य मन्त्रालयका अनुसार हालसम्म ११ करोड ११ लाख भन्दा धेरै कोरोना खोप लगाइसकेको पनि जानकारी दिइएको छ ।