काठमाडौ । अब हरेकले आफू बचौ र अरुलाई बचाऔँ भन्ने बेला आएको छ । नेपालमा पछिल्लो २४ घण्टामा थप दुई हजार ३ सय ५१ जनामा कोरोना सङ्क्रमण पुष्टि भएसँगै यो समुदाय स्तरमा फैलिसकेको आशंका गरिएको छ ।

बुधबार स्वास्थ्य तथा जनसङ्ख्या मन्त्रालयका प्रवक्ता जागेश्वर गौतमका अनुसार पछिल्लो २४ घण्टामा देशभर आठ हजार ८४४ नमूनाको पिसिआर परीक्षण र ८०३ जनाको एन्टिजेन परीक्षण भएको थियो। त्यसमध्ये पिसिआर विधिबाट २ हजार २ सय २० जना र एन्टिजेन विधिबाट १३१ जनामा कोरोना सङ्क्रमण पुष्टि भएको प्रवक्ता जागेश्वर गौतमले जानकारी दिनुभयो ।

काठमाडौं उपत्यकामा भक्तपुरमा ८४, ललितपुरमा १८१ र काठमाडौंमा ७८६ जना संक्रमित थपिएका छन्। यससँगै नेपालमा कूल सङ्क्रमितको सङ्ख्या दुई लाख ८९ हजार ९१८ पुगेको छ।

गत २४ घण्टामा २८७ जना उपचारपछि डिस्चार्ज भएका छन्। योसँगै निको हुनेको सङ्ख्या दुई लाख ७६ हजार ९३ पुगेको मन्त्रालयले जनाएको छ। कोरोनाबाट निको हुनेको दर ९५.३ प्रतिशत छ। आजबाट उपत्यकामा सक्रिय संक्रमितको संख्या ह्वात्तै बढेको छ ।

सम्बन्धित खबरहरु