जनबोली न्यूज नेटवर्क
काठमाडौं । लामो समयदेखि भारत कोरोना महामारीसँग लड्दैछ । कोरोना संक्रमण हुनबाट जोगाउन भारतका सबै राज्यहरूमा कडा प्रतिबन्ध लगाइएको छ । केही राज्यहरूमा कडा खालको लकडाउन गरिएको छ । लकडाउनमा जहाँसुकै जान पनि ई–पास अनिवार्य गरिएको छ ।
यसैबीच, बिहारमा एउटा अनौठो घटना बाहिर आएको छ । सामाजिक सञ्जालमा सार्वजनिक भएको उक्त घटनाले सबैचलाई चकित पनि बनाएको छ । त्यहाँ ई–पास बनाउनको लागि एक व्यक्तिले दिएको कारण थाहा पाउँदा सबै छक्क परेका हुन् ।
अब उक्त ई–पासको सामाजिक सञ्जालमा झन् झन् भाइरल भइरहेको छ । मानिसहरूले विभिन्न प्रकारका प्रतिक्रियाहरू पनि दिइरहेका छन् । बिहारमा, लकडाउन १५ मेसम्म लागु हुनेछ । यस समयमा, यदि कोही कतै जान चाहान्छ भने ई–पास अनिवार्य छ ।
तर, पूर्णियाका एक व्यक्तिले डण्डीफोरको उपचारका लागि डीएमसँत एउटा ई–पास दिन अनुरोध गरेका छन् । यो देखेर, डीएम पनि चकित भएका छन् । उनले ट्विटरमा यो आवेदन साझा गरे, जुन अहिले सामाजिक सञ्जालमा भाइरल भइरहेको छ ।
पूर्णिया डीएम राहुल कुमारले ई–पासको फोटो साझा गर्दै लेखेका छन्, ‘लकडाउनको कारण ई–पास लिनका लागि प्रायः वास्तविक आवेदनहरू छन् । तर कहिलेकाँही हामीसँग यस प्रकारको अनुरोध पनि आउँदछ । तपाईंको नेल–एक्ने उपचार कुर्नुहोस् ।’
व्यक्तिहरू अब यो पोष्टमा रमाइला टिप्पणी गर्दै छन् । केहि व्यक्तिले यस पोष्टको आनन्द लिइरहेका छन्, जबकि कोहीले डीएम साहेबलाई चिकित्सा विज्ञानको बारेमा पनि बताउँदैछन् ।