काठमाडौं । आजका दिनमा इजरायल–प्यालेस्टिन द्वन्द्वलाई लिएर विश्व तीन भागमा विभाजित भएको छ । एकथरी मानिसहरु यसलाई सही भनिरहेका छन् भने अर्काथरी गलत हो भन्दैछन् ।
तर दुवै पक्ष गलत भएको भन्नेहरु पनि उत्तिकै छन् । यो बीचमा हालै इजरायलका प्रधानमन्त्री बेन्जामिन नेतान्याहूले आफ्नो पक्षमा खुलेरै आएका देशहरुको सुची सार्वजनिक गरेका छन् । उनले उग्रवादी संगनहरूबिरूद्ध दृढ भई खडा भएर इजरायलको रक्षाको अधिकारलाई समर्थन गरेकोमा धन्यबाद भन्दै अमेरिकासहित अन्य दुई दर्जन देशहरुको नाम सार्वजनिक गरेका हुन् ।
यस लडाँईमा अहिलेसम्म गाजा पट्टीमा ४१ बालबालिकासहित कम्तीमा १४९ जनाको ज्यान गएको छ । करीव ९५० जना घाइते भएका खबरहरु आएका छन् । वेस्ट बैंकमा इजरायली सेनाले कम्तिमा १० जना प्यालेस्टिनीको ज्यान लिएको छ ।
यता हमाससहितका उग्रवादी संगठनहरुको कारबाहीमा इजरायलमा कम्तिमा १० व्यक्तिको पनि मृत्यु भएको बताइएको छ । यी हुन् इजरायललाई समर्थन गर्ने देशहरु
- संयुक्त राज्य अमेरिका
- अल्बानिया
- अष्ट्रेलिया
- अस्ट्रिया
- बोस्निया र हर्जेगोविना
- ब्राजिल
- बुल्गारिया
- क्यानडा
- कोलम्बिया
- साइप्रस
- चेक गणतन्त्र
- जर्जिया
- जर्मनी
- ग्वाटेमाला
- होन्डुरस
- हङ्गेरी
- इटाली
- लिथुआनिया
- मोल्डोभा
- नेदरल्याण्ड्स
- म्यासेडोनिया
- पराग्वे
- स्लोभेनिया
- युक्रेन
- उरुग्वे