ब्रेकअपपछि रोनाल्डो खेल पत्रकारसँग डेटिङमा मस्त

  • जनबोली न्यूज नेटवर्क
  • बिहिबार ८ माघ, २०७१

७ माघ, काठमाडाैं । मोडल शायकसँगको ब्रेकअपपछि रियल मड्रिड स्टार क्रिस्टियानो रानाल्डो यतिबेला एक खेल पत्रकारसँग डेटिङमा मस्त छन् ।

बर्ष खेलाडीको उपाधिसँगै नयाँ प्रेमिकासँग खुसी मनाउँदै रोनाल्डो

बर्ष खेलाडीको उपाधिसँगै नयाँ प्रेमिकासँग खुसी मनाउँदै रोनाल्डो

रोनाल्डो यतिबेला २६ वर्षकी स्पेनिस टीभी पत्रकार लुसिया भिल्लालोनसँग डेटिङ गरिरहेको बेलायती पत्रिका डेलीमेलले जनाएको छ ।

मेस्सीलाई पछि पार्दै लगातार दोस्रोपटक बर्षको उत्कृष्ट फुटबलरको उपाधि जितेका रोनाल्डोले नयाँ प्रेमिका लुसियासँग फोटो खिच्दै सेलिब्रेट गरेका छन् ।

केही दिन पहिले मात्र उनले लामो समयदेखिकी प्रेमिका इरिना शायकसँगको सम्बन्ध अन्त्य भएको घोषणा गरेका   थिए । ‘हामीलाई लाग्यो यसो गर्नु दुबैका लागि हितकर हुने छ ।’ उनले भनेका थिए ।

प्रेमिकासँगको ब्रेकअपपछि हालै रोनाल्डोले आफना छोरालाई रिसिभ गर्न स्कूल पुगेका थिए । रोनाल्डोले अहिलेसम्म छोराकी आमाबारे केही खुलासा गरेका छैनन् ।

पूर्व प्रेमिका शायकसँग रोनाल्डो

पूर्व प्रेमिका शायकसँग रोनाल्डो

सूत्रहरुका अनुसार उनले कुनै बेलायती युवतीलाई १० लाख पाउण्ड तिरेर बच्चा जन्माउन लगाएका थिए । बच्चाको आमाबारे बिबाद भएपछि रोनाल्डो र उनकी प्रेमिकावीच ब्रेकअप भएको अनुमान गरिएको छ ।

हालै उनले बर्ष खेलाडीको उपाधि जित्दा त्यहाँ उनकी प्रेमिका नदेखिएपछि उनीहरुवीच ब्रेकअपको अनुमान गरिएको थियो । तर, उनलाई साथ दिन त्यहाँ नयाँ प्रेमिका एवं टीभी पत्रकार लुसिया उपस्थित थिइन जसले सामाजिक संजालमा रोनाल्डोसँग सेलिब्रेट गरेको तस्वीर पोष्ट गरेकी थिइन् ।

सम्बन्धित खबरहरु