जनबोली न्यूज नेटवर्क
काठमाडौ । राष्ट्रिय परीक्षा बोर्डले कक्षा १२ को परीक्षाको परीक्षा तालिका (रुटीन) प्रकाशित भएको छ । परीक्षा भदौ ३० गतेदेखि सञ्चालन हुने भएको छ ।
यसअघि स्थगित परीक्षा भदौ ३० देखि असोज ८ गतेसम्म सञ्चालन हुने बोर्डले सूचना मार्फत जानकारी दिएको छ ।
यसअघि गत साउन ३१ देखि भदौ ९ गतेसम्म परीक्षा तालिका सार्वजनिक गरिएको थियो । तर कोरोना भाइरस संक्रमण बढेको भन्दै स्थगित गरिएको थियो ।
राष्ट्रिय परीक्षा बोर्डको बुधबार बसेको बैठकले विद्यार्थीहरुको भौतिक उपस्थितिमै परीक्षा सञ्चालन गर्ने निर्णय गरेको परीक्षा नियन्त्रक कृष्णप्रसाद शर्माले जानकारी दिनुभयो ।
सरकारले कक्षा ११ र १२ का परीक्षार्थीलाई कोरोना भाइरसविरुद्धको खोप पनि दिएको छ । यसअघि तोकिएको परीक्षा स्थगित भएको थियो ।
हेर्नुहोस् परीक्षा तालिका
