काठमाडौं । कार्यालयहरुमा काम गर्ने मानिसहरुको लागी बिदा तय गरीएको हुन्छ । तर कहिले काहिँ यस्तो हुन्छ कि उनीहरुलाई कार्यालयले दिएको छुट्टीको अतिरिक्त उनीहरुलाई छुट्टीको आवश्यकता पर्छ । यो बीचमा एक धेरै अनौठो घटना बाहिर आएको छ ।

Alice Thompson
Alice Thompson

एक महिला कर्मचारीले कार्यालयबाट बिदा माग्दा नपाएपछि जे गरिन् त्यसले सबैलाई हैरान बनाएको हो । एक महिलालाई कार्यालयबाट एक घण्टा बिदा चाहिएको थियो तर उनलाई कम्पनीले बिदा दिएन् । त्यसपछि ति महिलाले जे गरिन् दुनियाँ चकित भयो ।

अन्ततः कम्पनीले ती महिलालाई ठूलो क्षतिपूर्ति तिर्नु पर्यो । यो सब तब भयो जब महिलाले आफ्नो बच्चाको हेरचाह गर्न बिदा मागेकी थिइन् । वास्तवमा, यो घटना लन्डनमा भएको हो । बीबीसीको एक रिपोर्ट अनुसार एलिस एक अचल सम्पत्ति कम्पनीमा बिक्री प्रबन्धकको रूपमा काम गर्थिन् ।

एलिसले कम्पनीसँग आफ्नी सानी छोरीको हेरचाहका लागी हप्तामा चार दिन एक घण्टा बिदा मागेकी थिइन् । उनले त्यसका लागि कम्पनीसँग अनुमति मागिन् । अचम्मको कुरा, कम्पनीले त्यसलाई अस्वीकार गर्‍यो र एक घण्टा बिदा दिन अस्वीकार गर्‍यो ।

त्यसपछि फेरि के भयो, धेरै रोचक भयो । रिपोर्टका अनुसार एलिसले पहिले कम्पनीबाट राजीनामा दिइन् र त्यसपछि सीधै अदालत गइन् । लण्डनमा एक स्थानीय रोजगार न्यायाधिकरणमा, उनले आफ्नो तर्क दिइन् । उनले आफ्नो सम्पूर्ण पक्ष कम्पनीको अगाडि राखिन् ।

जब कम्पनीलाई त्यस बारेमा थाहा भयो, कम्पनीले अदालतमा आफ्नो प्रतिनिधित्व पठायो, त्यहाँ कम्पनीको पक्ष राखियो । ट्रिब्युनलमा सुनुवाईको क्रममा दुबै पक्षलाई बोलाइयो, बहस समाप्त भएपछि अब फैसला सुनाउने पालो थियो । फैसलामा न्यायाधिकरणका न्यायाधीशले एलिसको पक्षमा फैसला सुनाए ।

न्यायाधीशले कम्पनी कर्मचारीहरुका लागि लचीलापन प्रदान गर्न असफल भएको बताए । कम्पनीको उक्त कदमले एलिसलाई पर्याप्त हानि पुर्‍याएको फैसलामा उल्लेख छ । न्यायाधीशले एलिसको भावना र लैङ्गिक भेदभावका साथै पारिश्रमिक गुमाएकोमा झण्डै ३ करोड २० लाख रुपैयाँ क्षतिपूर्ति प्रदान गर्न आदेश दिएका छन् ।

यो रिपोर्टमा यो पनि उल्लेख गरिएको छ कि ऐलिस अक्टोबर सन् २०१६ मा शुरू भएको यो काम बाट वार्षिक झण्डै २ करोड कमाइन् । तर २०१८ मा, जब उनी गर्भवती भइन्, कम्पनीसंग उनको सम्बन्ध बिग्रियो र कम्पनीले उनलाई ध्यान दिन छोड्यो ।

यति मात्र होइन, एलिसले आफ्नो बच्चालाई केही दिनको लागि चाइल्डकेयर सेन्टरमा छोड्नु परेको थियो । एलिसले यो सम्पूर्ण कथा आफ्नो सामाजिक सञ्जाल खातामा पनि भनेकी छिन् ।

सम्बन्धित खबरहरु