काबुल । धेरैलाई शंका थियो । अफगानिस्तान तालिवान आएपछि मानवअधिकार र महिलाहरुको अधिकार मानवताविरोधी हुनेगरी कटौती हुन्छ । नभन्दै त्यस्तै भएको छ ।

गत १५ अगस्टमा अफगानिस्तानको सत्ता कब्जामा लिएका तालिवानले देशमा एकपछि अर्को प्रतिबन्ध लगाएका छन् ।

तालिवानले देशका नागरिकमाथि लगाएका केही अनौठा प्रतिबन्धले विश्व समुदायलाई स्तब्ध पारेको छ ।

१, हजामलाई दाह्री काट्न प्रतिवन्ध
तालिवानले अफगानिस्तानका नाऊ (हजाम) हरूलाई दाह्री काट्न प्रतिबन्ध लगाएको छ । नियम नमान्नेलाई सजाँय दिइने तालिवानको चेतावनी छ । हेल्मन्ड प्रान्तका नाऊहरूले आफूहरूलाई तालिवानले अबदेखि ग्राहकका दाह्री नकाट्न निर्देशन दिएको बताएका छन् । तालिवानका नेताहरुले नाऊलाई अमेरिकी सिको नगर्न फोनबाटसमेत चेतावनी दिएका छन् ।

२, शौचालय सफा गर्नेबाहेक अन्य कर्मचारी घरमै बस्न आदेश
तालिवानले काबुल महानगरका महिला कर्मचारीलाई अन्य व्यवस्था नहुन्जेल घरमै बस्न उर्दी जारी गरेको छ । तर, महिला शौचालय सफा गर्ने कर्मचारीलाई भने अनिवार्य उपस्थित हुन भनेको छ । यसले महिलाहरुको जागिर खोसिएको प्रष्ट छ ।

३, सरकारी महिला कर्मचारीलाई काममा नर्फकन उर्दी
पहिलो शासनकालमा तालिवानले महिलामाथि विभिन्न प्रतिबन्ध लगाएको थियो । तालिवानले दोस्रो पटक सत्ता कब्जा गरेसँगै महिलाका अधिकार कटौती हुने धेरैले आशंका गरेका थिए । आखिर सर्वसाधरणले जे अनुमान गरेका थिए, त्यही भएको छ । सरकारी महिला कर्मचारीलाई जागिरमा नआउँन भनेको छ ।

४, छात्रालाई अलग्गै अध्ययन
सत्ता सम्हालेको दुई सातामै तालिवानले अफगान छात्राका लागि कडा नियम ल्याएको थियो । जसअनुसार अफगान विद्यालयमा छात्रछात्रासँगै पढ्न पाउने छैनन् । त्यस्तै, पुरुष शिक्षकले छात्रालाई पढाउन पाउने छैनन् । पढाउनै परेमा पर्दापछाडिबाट आधुनिक प्रबिधिको प्रयोग गर्न सक्ने जनाइएको छ ।

५, विश्वविद्यालयमा छात्रालाई प्रतिबन्ध
तालिवानले विश्वविद्यालयमा महिलाहरुलाई नजान भनेको छ । महिलाहरुले पढ्ने वातावरण नभएको भन्दै महिला अध्ययनमा प्रतिबन्ध लगाएको हो । तालिवानको प्रतिबन्धले विश्वविद्यालयका हजारौं छात्रा प्रभावित भएका छन् । काबुल विश्वविद्यालयका कूल विद्यार्थीको ४३ प्रतिशत छात्रा छन् । यसअघि तालिवानले विश्वविद्यालयका छात्रालाई अलग्गै पोसाक लगाउन बाध्य पारेको थियो ।

Facebook Notice for EU! You need to login to view and post FB Comments!

सम्बन्धित खबरहरु