काठमाडौ । भन्न त समानताको नारा बोकेकाहरुले त्यो पर्दैन भन्लान् । तर हाम्रो सम्पत्ति भनेको नै संस्कार र संस्कृती हो ।

हाम्रो संस्कार यति उचाईमा छ की त्यो दुनियाँको अग्लो पहाड सगरमाथा बराबर जहिलै चुलिएर रहेको छ । हाम्रो संस्कार भनेको आफूभन्दा ठूलालाई आदर–सत्कार गर्नुपर्छ । सानालाई माया गर्नुपर्छ ।

हामी यही बोटमा फलेको बृक्ष हो । हिन्दु संस्कारले हामीलाई यही सिकाउदै आएको हो । अरु धार्मिक संस्कारहरुपनि मिल्दाजुल्दा छन् । हाम्रो हिन्दु संस्कारमा ससुराका अगाडी बुहारीले पालना गर्नुपर्ने नियमहरु छन् ।

ससुराको अगाडी बोल्दा नरम स्वरमा बोल्ने, ठाडो स्वर नगर्ने, ससुरालाई शीर नदेखाउने, ससुरा भन्दा उचो स्थानमा नबस्ने जस्ता नियमहरु छन् । हिमानीले त्यही नियम पालना गर्नुभएको हो ।

उहाँले नियम पालना गर्दा केहीहरुले भने अनेक टिप्पणी गरेका छन् हामी त्यतातर्फ नजाऔँ । सबैले यो बुझौँ । ससुरापनि बुवा नै हुनुहुन्छ ।

विवाहभन्दा अगाडि हरेक युवतीको मनमा उहाँका सासु–ससुरा कस्ता पर्नुहुने हो भन्ने कुराको डर हुन्छ । कतै ससुरा रिसाहा त हुनुहुन्न ? हाम्रो समाजमा सासु–ससुराको मन जित्नु भनेको एउटा बुहारीको लागि कुनै कठिन काम भन्दा हुँदैन । त्यस्तो स्थितिमा भनिन्छ शुरुवात राम्रो भयो भने आधि जीत भए सरह हुन्छ ।

त्यसैले जब तपाईं विवाह अगाडि नै भविष्यका सासु–ससुरासंग भेट्नु हुन्छ, त्यो समयमा उहाँहरुलाई सम्मान दिनुहोस् र माया गर्नुहोस् । यसका साथै उहाँहरुको सौखहरुको बारेमा पनि जानकारी लिनु होस् । यसो गर्दा सासु–ससुराको अगाडि तपाईंंको छवि राम्रो बन्छ र यस्तो कुराले तपाईं उहाँहरुलाई एकदम मन पराउनु हुन्छ भन्ने कुरा दर्शाउँछ ।

विवाहपछिपनि सम्मान दिनुहोस् । यदि त्यसो गर्नुभयो भने हिमानीले जस्तै घर सम्हाल्ने जिम्मेवारी पाउनुहुन्छ । अहिले हिमानीलाई हाम्रो पूर्व राजपरिवारको सारा कुल खानदान चलाउने जिम्मेवारी सुम्पिएको छ । त्यो जिम्मेवारी उहाँले एकदमै राम्रोसँग निभाउनुपनि भएको छ ।

सम्बन्धित खबरहरु