एजेन्सी । दक्षिण कोरियाले सोमबार ठूला सामाजिक जमघटहरूलाई समेत अनुमति दिन निर्णय गरेको छ ।

रेस्टुरेन्टहरूमा व्यापार–घण्टा प्रतिबन्धहरू हटाएको छ । अधिकारीहरूले केही पूर्व–महामारीपनि सामान्यता पुनर्स्थापना गर्ने प्रयासको यो पहिलो चरण भएको बर्णन गरेका छन् ।

राजधानी क्षेत्र जुलाई देखि तालाबन्दी थियो । यहाँ सबैभन्दा बलियो सामाजिक दूरी उपाय अपनाइएको थियो । महामारीको थकान र आर्थिक चिन्तालाई उद्धृत गर्दै, अधिकारीहरूले अब आठ जनासम्म भेला हुन अनुमति दिने निर्णय गरेका छन् ।

सोमबारदेखि सुरु भएका परिवर्तनहरू अन्तर्गत, राजधानी, सियोल र नजिकैको महानगरीय क्षेत्रहरूमा निजी सामाजिक जमघटहरूको सीमा १० व्यक्ति र अन्य क्षेत्रहरूमा १२ जनामा ​​बढाइएको छ ।

रेस्टुरेन्ट र कफी पसलहरू अब २४ घण्टा खोल्न अनुमति दिइएको छ । पहिले रातको १० बजे बन्द गर्न बाध्य थिए । ग्रेटर सियोल क्षेत्रमा र देशको बाँकी भागमा मध्यरातसम्म खोल्न पाइनेछ । यद्यपी नाइटक्लबहरू जस्ता उच्च जोखिम मनोरञ्जन स्थलहरू मध्यरातमा बन्द गर्न आदेश दिइएको छ ।

इनडोर खेलकुद सुविधाहरू प्रयोग गर्न वा अस्पतालहरूमा बिरामीहरूलाई भेट्न पाइने भएको छ ।

राजनीतिक र्‍याली वा प्रदर्शनी वा विवाहजस्ता सामाजिक कार्यक्रमहरूमा जम्मा हुने सीमा बढाएर ४९९ जनासम्म पुर्याइएको छ भने सबै सहभागीहरूलाई पूर्ण खोप लगाइएको एकिन हुनुपर्ने भनिएको छ । व्यावसायिक खेलहरूमा ठूलो भीडलाई पनि अनुमति दिइएको छ ।

दक्षिण कोरियाका प्रधानमन्त्री किम बू क्युम, राष्ट्रपति मुन जे इनले सोमबार नै सम्वोधन गरेर साना व्यवसाय मालिकहरूलाई मद्दत गर्न सरकार तयार रहेको प्रतिवद्धता जनाएका छन् ।

दक्षिण कोरियामा सोमबार १६८६ नयाँ कोरोनाभाइरसका घटनाहरू पुष्टि भएको छ । यसमा एक हजार भन्दा बढी राजधानी सियोल महानगर क्षेत्रमा रिपोर्ट गरिएको छ। ५१ मिलियन भन्दा बढी जनसंख्या रहेको दक्षिण कोरियामा लगभग ७५ प्रतिशत जनसंख्याले पूर्ण रूपमा खोप लगाइसकेको सरकारी रिपोर्ट छ ।

Facebook Notice for EU! You need to login to view and post FB Comments!

सम्बन्धित खबरहरु