काठमाडौं । आज विप्लव माओवादीले पेट्रोलियम पदार्थको मूल्यवृद्धि फिर्ता लिन माग गर्दै नेपाल बन्द आह्वान गरेको छ ।

यो बीचमा बन्द गराउन सडकमा खटिएका नेपाल कम्युनिष्ट पार्टीका कार्यकर्ता धमाधम पक्राउ पर्न थालेका छन् ।

दमौलीबाट ११ जना पक्राउ परेको जानकारी आएको छ । आज बिहानैदेखि नेपाल बन्द गराउन सडकमा खटिएका नेत्रविक्रम चन्द विप्लवनिकट सो पार्टीका ११ जनालाई प्रहरीले पक्राउ गरेको हो ।

ट्राफिक चोकबाट जिल्ला सेक्रेटरी एटम, व्यास नगर इन्चार्ज ओम पन्त, मजदुर जिल्ला अध्यक्ष हिमाल खड्का, अखिल क्रान्तिकारी जिल्ला सचिव शिव सदाशङ्करलगायत पक्राउ परेको सो पार्टीका जिल्ला इञ्चार्ज पूर्णजित पुनले बताउनुभयो ।

पक्राउ परेका नेता कार्यकर्तालाई तत्काल रिहा गर्न उहाँले माग गर्नुभयो । बन्दका कारण दमौली बजार बिहानैदेखि सुनसान छ ।

सम्बन्धित खबरहरु