काठमाडौ । नेकपा एमालेका अध्यक्षका उम्मेदवार डा. भीमबहादुर रावल पराजित भएपनि ल्याउने रणनीति बनेको भर्खरै खुलेको छ ।

उहाँ पराजित भएपनि केन्द्रीय कमिटीमा ल्याएर पार्टीमा जिम्मेवारी दिने अध्यक्ष केपी शर्मा ओलीको रणनीति खुलेको हो ।

उहाँ नलड्नु भन्दा भन्दै पराजित हुने पदमा चुनाव लड्नु भएको छ तर हारेपनि म कमिटीमा ल्याएर पार्टीको जिम्मेवारी दिन्छु अध्यक्ष ओलीले भन्नुभएको छ ।

यसैले रावल आफूले उम्मेदवारी नदिएको पदमा समेत नाम राखेर ओली प्यानलले मत मागि दिइरहेको छ । रावलले त्यो पदमा म रहन्न मलाई मत नदिनु भनिरहनुभएको छ भने ओली प्यानलका शीर्ष नेताले रावललाई मत मागिरहनुभएको छ ।

रावलले थाहै नपाई केन्द्रीय कमिटी सदस्यमा उम्मेदवारी कायम गरिएको छ । उहाँको नाममा अहिले मतदान भइरहेको छ ।

अध्यक्ष हारेपनि केन्द्रीय कमिटीमा राखेर माथिल्लो जिम्मेवारी दिने ओलीको रणनीति रहेको खुल्न आएको छ ।

दशौं राष्ट्रिय महाधिवशेनअन्तर्गत नेतृत्व चयनका लागि भएको चुनावमा मतदान गर्न पुग्नुभएका रावलले भने आफ्नो नाम केन्द्रीय सदस्यको उम्मेदवारमा पनि देखेपछि आपत्ति जनाउनुभएको थियो ।

पार्टीको केन्द्रीय निर्वाचन आयोगले पनि पदाधिकारीमा उठ्ने व्यक्तिले केन्द्रीय सदस्यमा उठ्ने–नउठ्ने अधिकार स्वयं व्यक्तिलाई नै दिएको भन्दै रावलले आफूले दाबी नै नगरेको पदमा उम्मेदवारी राखेकोमा असहमति जनाउनुभयो ।

‘पहिला पदाधिकारीमा उठ्ने नाम सदस्यमा राख्ने भनेकाले मैले के छ भनेर सोधेको थिए । मलाई पदाधिकारी र सदस्य दुबै राख्न चाहे भने दुबै हुन्छ । होइन भने पदाधकारी मात्र हुन्छ भनेको थियो ।

मैले पदाधिकारीमा लड्ने सदस्यमा नलड्ने भनेको थिए । तर अघि मतदान गर्न जाँदा सदस्यमा मेरो नाम देखेँ । अध्यक्षमा लड्ने व्यक्ति म सदस्यमा लड्ने भन्ने कुरै आउँदैन,’ रावलले भन्नुभयो ।

यो प्रकरण रावलले बुटवलको आठौं महाधिवेशनमा फेस गरिसक्नुभएको थियो । उहाँले सम्झिनुभयो, ‘बुटवल महाधिवेशनमा सदस्यताको लागि मैले उम्मेदवारी दिएको थिइन, उम्मेदवारी दिएको उपाध्यक्षमा हारे, अनि मलाई सदस्य पद जितेको भनेर सपथ लिन भनियो ।

मैले उम्मदेवारी हालेकै छैन मैले कसरी सपथ लिने भने । त्यसलाई विवादको विषय बनाएर भीम रावलले सपथ लिएन भनेर समस्या खडा भयो । पछि मैले बाध्य भएर सपथ लिनुपर्ने अवस्था आएको थियो ।’

बुटवल महाधिवेशनको अवस्था नआओस् भनेर आफूले पहिले नै निर्वाचन आयोगका पदाधिकारीसँग छलफल गरे पनि आफ्नो नाम केन्द्रीय सदस्यमा समेत उम्मेदवारका रुपमा राखेर बेइमानी गरिएको उहाँको भनाइ छ ।

‘अहिले पनि मतगणनाको परीणाम नआउँदै मैले सदस्य पदमा उम्मेदवारी दिएको पनि छैन ।

निर्वाचन आयोगका पदाधिकारीलाई सोध्दा पनि तपाईले जे उल्लेख गर्नुहुन्छ त्यो मात्रै हुन्छ भनेको हुनाले अध्यक्ष पदमात्रै उल्लेख गरेको स्पष्ट पार्छु,’ उहाँले भन्नुभयो, ‘तर विद्युतीय मतदानमा मेरो नाम सदस्यमा पनि राखेकोमा मलाई मतदान गरे भने त सदस्य पनि हुनसक्ने भए । त्यसकारण मेरो सदस्य उम्मेदवारी छैन, होइन ।’

उहाँले नदिएको ठाउँमा उम्मेदवार भनेर नाम राखिदिँदा प्रतिनिधि पनि झुक्किने र जितेर पनि विवाद सिर्जना गर्‍यो भनेर नकारात्मक टिप्पणी हुनसक्ने भन्दै सचेत गराउनुभयो ।

‘अब मलाई त्यहाँ त्यतिकै सदस्य भइस् भनेर मनौ मलाई जिताइदिए भने पनि त्यो पदमा मैले सपथ लिन सक्दिनँ । महिले अहिले नै प्रष्ट पारेको छु । पछि मान्छेहरुले सपथ लिएन भीम रावलले यसो गर्‍यो भनेर नभनुन् । नकारात्मक रुपमा न लैजाउन,’ उहाँको भनाई थियो ।

 

सम्बन्धित खबरहरु